8 000 swěčkow wjac hač tysac hosći wokřewili

pjatk, 26. julija 2019
artikl hódnoćić
(0 )
Kóžde lěto znowa pokazuje so wosebite ambiente hakle, hdyž su wšitke swěčki zapalene. Feliks Haza Kóžde lěto znowa pokazuje so wosebite ambiente hakle, hdyž su wšitke swěčki zapalene. Feliks Haza

Zahroda w klóštrje Marijineje hwězdy w Pančicach-Kukowje, kotraž je w nošer­stwje Křesćansko-socialneho kubłanskeho skutka CSB, njeje jenož w regionje adresa, ale tež zwonka njeho. Tež lětsa – w 25. lěće wobstaća zeloweje a wučbneje zahrody – je wosebitosć, kotraž je mjeztym z tradiciju znowa tysacy hosći přiwabiła. Rěč je wo „Nocy tysac swěčkow“, kotruž wotměchu minjenu sobotu 16. króć!

„Nóc tysac swěčkow“ zwjazuje kulturu, zela a wědu ze swěčkami. Minjene lěta móžachu tam na jewišću cyle rozdźělne skupiny witać, mjez druhim akordeonowy orchester z Großröhrsdorfa 2016, serbsku skupinu Sorbian Art Trio 2017 a lětsa Serbski folklorny ansambl z Wu­dworja a Zhorjelčana Gabriela Momméra, kotrehož hłós mnozy ze Serbskeho rozhłosa znaja. Kombinowanje ze swětłom swěčkow a tych bywaše zašłe lěta dale a wjac – ličba stupaše wot 5 000 hač na něhdźe 8 000 – zda so prawy recept ludźi přiwabić. Ze serbskeje strony zwěsćamy, zo je serbskosć w programje přibyła, štož zwjesela. To měli zamołwići dale wjesć a snano hišće stopnjować.

wozjewjene w: Předźenak

Galerija

dalši wobraz (1) Wušiknje zwjazuja na „Nocy tysac swěčkow“ hižo mnohe lěta kulturu z wědu a zelemi. Wjacore tež serbske ćělesa běchu tam z hosćom, lětsa Wudworscy rejwarjo.
dalši wobraz (2) Předewšěm dźěćom, nic jenož z blišeje wokoliny, je wosebity wječor w klóšterskej zahrodźe wulke wjeselo a zdobom jara zajimawy.
dalši wobraz (3) Hdyž su wšitke swěčki zapalene, pokazuje so wobraz – tule z njesměrnje wjele swěčkami je předstajeny periodowy system elementow.
Prošu přizjewće so, chceće-li komentar podać

Serbska debata

nowostki LND