Wirus so wo abruptny kónc wolejbuloweje sezony postarał

wutora, 17. měrca 2020
artikl hódnoćić
(0 )
Połnu trawersu Worklečanskeje ćěłozwučowarnje drje tamniši wolejbulisća hižo tak spěšnje njedožiwja. Po informacijach Sakskeho wolejbuloweho zwjazka je hrajna doba 2019/2020 dočasnje zakónčena.  Foto: Jörg Stephan Połnu trawersu Worklečanskeje ćěłozwučowarnje drje tamniši wolejbulisća hižo tak spěšnje njedožiwja. Po informacijach Sakskeho wolejbuloweho zwjazka je hrajna doba 2019/2020 dočasnje zakónčena. Foto: Jörg Stephan

Aktualny staw wobwodneje ligi

1. Módro-běli Wojerecy II 12 35 : 9 33

2. Viktoria Worklecy 12 35 : 8 32

3. ST Kupoj/Nowa Łuka 12 30 : 11 28

4. TSV Kundraćicy 12 20 : 19 19

5. CVJM Zhorjelc 12 19 : 23 16

6. MSV Budyšin 04 II 12 17 : 28 11

7. ST Wulka Dubrawa 12 15 : 30 10

8. TSV Niederoderwitz 12 15 : 31 10

9. OSC Lubij 12 8 : 35 3


Wirusowa epidemija je na tym wina, zo su w minjenych dnjach hižo mnohe zarjadowanja a wubědźowanja wotprajili. Hač kopańca, mjetańca, lodohokej, jěchanje abo zymski sport, nimale wšitke sportowe družiny su potrjechene.

Tež Němski wolejbulowy zwjazk (DVV) je minjeny štwórtk wšitke hry zwjazkoweje a regionalneje ligi cofnył. Runje w tym času přihotowachu so wolejbu­lisća Worklečanskeje Viktorije na swój posled­ni domjacy hrajny dźeń a běchu přewšo motiwowani, swoju realistisku šansu na titul wobwodneho mištra wužić. Za spjelnjenje sezonoweho cila běchu přećiwo MSV Budyšinej II a CVJM Zhorjelcej šěsć dypkow kruće zaplanowali.

wozjewjene w: Sport

Galerija

dalši wobraz (1) Dopomnjenka na rjany wokomik w nowembrje 2019, tehdy bě wolejbulowy swět hišće w porjadku.
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND