13. łužiski brunicowy cup

wutora, 17. januara 2023
artikl hódnoćić
(0 )
Ze sćěhowacymi hrajerjemi bě serbski cyłk w Choćebuzu nastupił. Stejo wotlěwa: Šwjela Feliks, Rinza Christian, Halbasch Martin, Dabow Martin, Schulze Levy. Klečo wotlěwa: Schulisch Florian, Lobeda Alexander, Škoda Jakub, Runge Stefan, Krötel Domenik. Foto: André Strelow Ze sćěhowacymi hrajerjemi bě serbski cyłk w Choćebuzu nastupił. Stejo wotlěwa: Šwjela Feliks, Rinza Christian, Halbasch Martin, Dabow Martin, Schulze Levy. Klečo wotlěwa: Schulisch Florian, Lobeda Alexander, Škoda Jakub, Runge Stefan, Krötel Domenik. Foto: André Strelow

Zašłu sobotu bě so w Choćebuzu we Łužiskej arenje 13. łužiski brunicowy cup wuhrał. Dohromady wobdźěli so na koparskim turněrje wosom mustwow, mjez nimi tež Serbske mustwo.

Wobdźělene cyłki hraja w krajnej klasy abo krajnej lize, niwow bě tuž dobry. W rjadach Serbow swjećeše młody Chróšćanski wrotar Jakub Škoda swoju premjeru. Prawidłownje hraje w druhim Chróšćanskim mustwje, měješe pak tež hižo krótke zasadźenja pola prěnjeje gardy. Wón je swój nadawk z brawuru zmištrował a so w kóždej hrě přez wuběrne zasadźenje wuznamjeni.

W předkole trjechichu Serbja na FC Gubin, SZ Bórkowy a ST Motor Saspow. Prěnju hru 0:4 přěhrachu. Přez zmylki w defensiwje dóńdźe přećiwnik k wrotam, ale hač krótko do kónca bě partija wurunana. Druhu hru přećiwo SC Motorej Saspow z 0:1 přěhrachu. Serbja nje­móžachu wuhrate šansy wužić. W poslednjej hrě přećiwo FC Gubinej mustwo dołho z 1:0 nawjedowaše. Christian Rinza docpě jara zahe nawjedowanje. Hač krótko do kónca wupadaše za tym, zo dobudu­. W běhu někotrych mjeńšin zwjertny přećiwniske mustwo hru na 1:2, škoda.

wozjewjene w: Sport
Prošu přizjewće so, chceće-li komentar podać

Serbska debata

nowostki LND