Na posledni wotpočink do přirody so nawróćić? To zmóžnja organizacija FriedWald w lěsu njedaloko Kamjenca. Pohrjebnišćo je alternatiwa ke kěrchowej a rowy su w rukach přirody.
Njedaloko Brunowa rozpřestrěwa so wulki lěs, kotryž je tuchwilu z pisanym lisćom pokryty. Tola to njeje prosty lěs. Na prěni pohlad ma snadź podobne štomy, lisćo a šćežki kaž kóždy druhi lěs, tola pod zemju chowaja so popjelnicy. Nowember je měsac spominanja na zemrětych, tuž smój sej Kamjenski pochowanski lěs bliže wobhladałoj.







