Wuski koparski duel pod swětłomjetakami

štwórtk, 22. oktobera 2020
artikl hódnoćić
(0 )
 Tež lětsa su koparjo Zeleno-běłych Hórki (naprawo) zaso tójšto přećelskich hrow přewjedli abo so na koparskim turněrje wobdźělili, kaž tu na wobrazu w Kamjencu. Minjeny pjatk pobychu Hórčenjo pola sportowych přećelow w Ralbicach.  Foto: Konstantin Hrjehor Tež lětsa su koparjo Zeleno-běłych Hórki (naprawo) zaso tójšto přećelskich hrow přewjedli abo so na koparskim turněrje wobdźělili, kaž tu na wobrazu w Kamjencu. Minjeny pjatk pobychu Hórčenjo pola sportowych přećelow w Ralbicach. Foto: Konstantin Hrjehor

Sokoł Ralbicy/Hórki

– Zeleno-běli Hórki 2:1 (2:0)

Za Sokoł zasadźeni: Měškank – Rychtar, Schultz, Brězan, M. Žur, Brückner, Šołta, Zynda, Obst, Statnik, S. Žur, Krawc, Mi. Serbin, Ma. Serbin, Jakubaš

za Hórki zasadźeni: Matik – Bětka, Budar,­ Hartrumpf, Pannasch, Matješk, T. Čornak, Šmit, Šram, Handrik, Młynk, Bjedrich, Šołta, Domaška, R. Čornak

W Konjecach zjednoćichu so 7. nowembra 1975 koparjo z Delan a Hórkow do noweje jednoty „Traktor Ralbicy/Hórki“. Předsyda bu Jurij Frencl, wjednistwu přisłušachu Franc Młynk, Jan Wornar, Rudi Koch, Alojs Langa, Jakub Šołta, Joachim Ryćer, Měrćin Štrawba, Marja Krawcec a Beno Młynk. Najebać zjednoćenje před nimale 45 lětami maja Ralbičenjo a Hórčenjo swójske mustwo starych knjezow. Zašły pjatk běše zaso tak daloko, cyłkaj měrještej mocy pod swětłomjetakami w Ralbicach. W rjadach Hórčanow wuhladaš znatej mjezwoči Daniela Matješki a Clemensa Bětki, kotrajž běštaj za Sokoł wuspěšnje kopački we wobwodnej lize šnórowałoj.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND