Sakske pokalne koło koparjow-juniorow wulosowane

srjeda, 11. nowembera 2020
artikl hódnoćić
(0 )
Koparjo młodźiny D Jednoty Kamjenc a jich trenar Tadej Cyž z Njebjelčic bychu rady přichodne koło w krajnym pokalnym wubědźowanju docpěli, zo móhli snano tež přećiwo Dynamu Drježdźany hrać. Za to pak dyrbja krótko do hód najprjedy raz Drježdźanske mustwo Soccer for Kids přewinyć. Foto: Konstantin Hrjehor Koparjo młodźiny D Jednoty Kamjenc a jich trenar Tadej Cyž z Njebjelčic bychu rady přichodne koło w krajnym pokalnym wubědźowanju docpěli, zo móhli snano tež přećiwo Dynamu Drježdźany hrać. Za to pak dyrbja krótko do hód najprjedy raz Drježdźanske mustwo Soccer for Kids přewinyć. Foto: Konstantin Hrjehor

Poprawom chcychu wosmifinale w sakskim koparskim pokalu juniorow 18. nowembra přewjesć. Pandemije dla pak so to­ nětko njehodźi. Nawoda wubědźowanja Heiko Melde je přichodne koło, w kotrymž tež hornjołužiske mustwa sobu hraja, na 19./20. december přesunył.

Wězo­ so dźensa hišće prajić njehodźi, hač hry potom woprawdźe budu. Naje­bać to su pokalne koło w Pirnje wulosowali. Nimo losowanskeje soniny Romy Sachs wot AOK (hłowny sponsor wubědźowanja) činješe to prezident Kopar­skeho zwjazka Sakska Šwica/wuchodne Rudne horiny Julian Schiebe. Tež mjena zwjazkowych ligistow młodźiny A a B su tónkróć sobu wulosowane. Tak nastachu sćěhowace partije:

Młodźina A

Reichenbachski FC – RB Lipsk

VfB Annaberg 09 – Lok Šwikawa

Wojerowski FC – FC Rudne horiny Aue

VFC Plauen – Kamjeničanski FC

Lok Lipsk – Hornja Łužica Neugersdorf

Chemija Lipsk – Fortuna Kamjenica

dobyćer hry HZ Taucha/Borsdorf : Union Torgau – Dynamo Drježdźany

dobyćer hry HZ Weißig/Neugersdorf II/Biskopicy II : Borea Drježdźany – FSV Šwikawa

Młodźina B

SSV Markranstädt – SC Borea Drježdźany

VfB Annaberg 09 – Olympia 1896 Lipsk

wozjewjene w: Sport
Prošu přizjewće so, chceće-li komentar podać

Serbska debata

nowostki LND