Michał Rostok wuznamnyserbski přirodospytnik a wučer był

pjatk, 16. apryla 2021
artikl hódnoćić
(0 )
21. apryla 1821 w Bělšecach rodźeny Michał Rostok je so jako slědźer hłuboko do přirodowědy zapisał a zakład za jeje serbsku terminologiju tworił.  Foto: SKA 21. apryla 1821 w Bělšecach rodźeny Michał Rostok je so jako slědźer hłuboko do přirodowědy zapisał a zakład za jeje serbsku terminologiju tworił. Foto: SKA

K 200. narodninam slědźerja, kotrehož publikacije su dźensa hišće wuznamne

Michał Rostok narodźi so 21. apryla 1821 w Bělšecach jako syn chěžkarja a wjesneho krawca. W Budestecach chodźeše wón do ludoweje šule a dźěłaše jako kruwar w Drježdźanach, hdźež chcyše němčinu lěpje nawuknyć. Wot 1837 wopyta Krajnostawski wučerski seminar w Budyšinje, w lěće 1841 sta so z pomocnym wučerjom w Hodźiju a 1844 w Drječinje. Na wuměnk poda so 1884 a přesydli so do Huski. Na tamnišim kěrchowje ma swój row z pomnikom. Při jeho ródnym statoku je dźensa zaso taflička přičinjena, kotraž na to skedźbnja, zo je so tam narodźił a zo běše wuznamny přirodowědnik.

Hižo jako seminarist zajimowaše so Rostok za přirodu. Při tym běše Wulki Pichow­ počasu ćežišćo jeho slědźenja. Wón namaka, kaž na tamnišej wopomnjenskej tafli rěka, na a pod tutej horu pjatnaće družin ćernjowkow. Nowa, wot njeho wopisana družina rěka łužiski ćernjowc (Rubus lusaticus).

wozjewjene w: Kultura & wuměłstwo

Galerija

dalši wobraz (1) Pomnik za přirodospytnika Michała Rostoka na Hušćanskim kěrchowje
dalši wobraz (2) Wopomnjenski kamjeń z tafličku na Pichowje Foto: Konrad Lipič
Prošu přizjewće so, chceće-li komentar podać

nawěšk

nowostki LND