Serbske tworjace wuměłstwo wobohaćiła

pjatk, 17. septembera 2021
artikl hódnoćić
(0 )
 Busta Slepjanki Wórše Lejnikec z lěta wokoło 1950 (sadra, bruna namolowana)  Foto:  Jan Bart Busta Slepjanki Wórše Lejnikec z lěta wokoło 1950 (sadra, bruna namolowana) Foto: Jan Bart

K 50. posmjertninam wuměłče Dorotheje von Philipsborn

Dorothea von Philipsborn narodźi so 20. róžownika 1894 jako třeće dźěćo zemjanskeje swójby w šleskim Strehlitzu pola Schweidnitza, dźensa Strzelce Świdnickie. Hižo zahe jewjachu so jeje talenty paslenja a modelěrowanja kaž tež zajim za rěče. Pozdźišo nawukny wona francošćinu a jendźelšćinu. Jako 16lětna wukubła so na rězbarku na Akademiji wuměłstwa we Wrócławju a po tym w Drježdźanach. Kónc Druheje swětoweje wójny běše nuzowana swoju domiznu wopušćić. Staršej bratraj a wona wzdachu so wjetšeho kubła, a bjez zamóženstwa namaka Dorothea von Philipsborn z dwěmaj přistajenymaj – ze swojej bywšej wu­čerku a swojej domjacej – prěni kwartěr w Trjebinskej korčmje. Kónc 1940tych lět přidruži so žónskej trójce hišće molerka a wučerka wuměłstwa Eva-Maria Volck, wuhnanča z baltiskeho města Rigi. Wottam pochadźeše tež pola nas znaty wuměłc Friedrich Krause-Osten, molowacy wosebje w Slepom. Wosom lět pozdźišo namaka sej kwartet žonow přijomniše přebywanišćo w Běłej Wodźe.

wozjewjene w: Kultura & wuměłstwo

Galerija

dalši wobraz (1) „Serbska konfirmacija“ je jedne z prěnich rězbarskich dźěłow Dorotheje von Philipsborn (1948 z lipoweho drjewa) a předstaja křesćanski podawk trójki w Slepjanskej narodnej drasće.
Prošu přizjewće so, chceće-li komentar podać

nawěšk