W měsće dwójce dypkowali

štwórtk, 12. meje 2022
artikl hódnoćić
(0 )
Za serbske mustwo šulow Ralbicy/Worklecy hrajachu: Nadine Čižankec, Mathias Kliemank, Lydija Pešmanowa (stejo wotlěwa), Jan Rjeda, Pětr Bejmak a Šćěpan Wjeńka (klečo wotlěwa).  Foto: Jan Rjeda Za serbske mustwo šulow Ralbicy/Worklecy hrajachu: Nadine Čižankec, Mathias Kliemank, Lydija Pešmanowa (stejo wotlěwa), Jan Rjeda, Pětr Bejmak a Šćěpan Wjeńka (klečo wotlěwa). Foto: Jan Rjeda

Tři wučerske mustwa Budyskeje wučerskeje wolejbuloweje ligi su so před ­něšto časom w měsće na nachwatanski hrajny dźeń zetkali.

W prěnjej hrě steještej sej mustwje Budyskeho powołanskošulskeho centruma a wyšeje šule Wjazońca napřećo sebi. Mjez hrajerkami a hrajerjemi z Wjazońcy hraješe serbski wučer w Slepom Tomaš Suchy sobu.

W prěnjej sadźbje přesadźi so šěstka Powołanskošulskeho centruma jasnje z 25:12. Dołho wupadaše tež w druhim přeběhu tak, zo Budyšenjo dobudu. Po nawjedowanju 24:19 pak pokaza přećiwnik z Wjazońcy sylniše čuwy a sadźbu ze 27:25 hišće za sebje rozsudźi. Napjatosć wosta tež w tiebreaku wysoka, štož rezultat 16:14 za Budyski powołanskošulski centrum wobkrući.

wozjewjene w: Sport
Prošu přizjewće so, chceće-li komentar podać

Serbska debata

nowostki LND