SZ Großnaundorf – ST 1922 Radwor 2:1 (0:1)
Za hosćićela zasadźeni: Ch. Šěrak– Reineke, F. Šěrak, Jendrewski, Wjeńka, Glücklich, Petšak (87. Paška), Schulze, Wróbl (91. Krječmar), Wjacławk, Šnajder
Po přesłapjacej poražce w serbskim derbyju přećiwo Ralbičanam steješe duel přećiwo koparskemu cyłkej w Großnaundorfje na hrajnym planje. A to njebě žadyn lochki nadawk za młode mustwo z Radworja. Duel pak startowaše perfektnje za defensiwnje orientowane Radworske mustwo. Hižo w druhej mjeńšinje je Matej Wjeńka na prawym křidle na Johannesa Wjacławka flankował, kotryž kaž samozrozumliwje k 1:0 přetwori. Po špatnym starće pak běchu hosćićeljo dominantne mustwo, kotrež pak wosta najebać přewahu bjez wulkich šansow. Hosćo běchu nadal defensiwnje nastajeni. Hač na někotre mjeńše kontery bjez wuspěcha so na hrě wjele njezměni. Domjacy běchu jeno ze standardami strašni. Hač do połčasa mějachu hosćo z Radworja tři dypki w zaku, tola 45 mjeńšinow hišće před sobu mějachu.