Njekoncentrowanosć wužili

wutora, 21. měrca 2023
artikl hódnoćić
(0 )
Bjez šansy Radworscy koparjo w Dobruši njeběchu. Swójske wrota třělić a nadběhi hosćićela wotwobarać pak so hosćom w prěnim połčasu docyła poradźiło njeje.  Foto: Jörg Stephan Bjez šansy Radworscy koparjo w Dobruši njeběchu. Swójske wrota třělić a nadběhi hosćićela wotwobarać pak so hosćom w prěnim połčasu docyła poradźiło njeje. Foto: Jörg Stephan

ST Hnašecy/Dobruša –

ST Radwor 6:2 (4:0)

Zestawa hosći: Grenzemann – Wjeńka, Pěčak, Šěrak, Paška, Grubert, Nuk, Mička (59. Ja. Wjacławk), Schulze, Jo. Wjacławk, Hetaš (80. Omran)

Duel wotmě so w Dobruši při rjanym słónčnym wjedrje. Partija měješe z 75 přihladowarjemi tež rjanu kulisu. Wobě mustwje so trochu do hry kopoleštej. Hrajne podźěle pak ležachu přewažnje pola domjaceho mustwa. W 13. min. znješkódni wrotar Peter Grenzemann bul, ale da jón zaso padnyć. Nadběhowar hosćićela wuži šansu k 1:0. Hosćo běchu šokowani. Jenož dwě mjeńšinje pozdźišo suny Lucas Mörl bul po flance do saka k 2:0. Hosćićeljo hru nětko kontrolowachu a nadběhi hosći suwerenje wotwobarachu. W 35. min. nadběhowachu koparjo Hnašece/Dobruše znowa přez křidło. Škitar Fabian Šěrak spyta bul wotwobarać, ale hrajny nastroj skoči do Radworskich wrotow. Dwě mjeńšinje pozdźišo steješe zaso Mörl prawje a zhłójčkowa bul po flance do wrotow k 4:0. Radwor hraješe pře pasiwnje a bě pře njekreatiwny před wrotami přećiwnika.

wozjewjene w: Sport
Prošu přizjewće so, chceće-li komentar podać

Serbska debata

nowostki LND