Lipjenjo swjeća

Haslow. Pod hesłom „Lipa@přećeljo“ wuhotuje chór Lipa jutře, sobotu, a slědowacu njedźelu „zabawnej koncertaj“ w Haslowskim hosćencu. Program wopřijima „spěwy ze serbskeho popoweho repertoira chóra kaž tež štyri premjery a nowy žortny medley“. Sobotnemu zarjadowanju, kotrež započnje so w 19 hodź., přizamkuja so reje ze skupinu Con-takt. Zastup płaći 15 eurow. Njedźelu je w 15.30 hodź. muski kwartet PoŠtyrjoch z hosćom; zastup płaći 10 eurow.

Zahaja hudźbne dny

Wojerecy. Nowa łužiska filharmonija zahaji zajutřišim, njedźelu, z koncertom pod nadpismom „Kóžda jězba započnje so z rozžohnowanjom“ 57. Wojerowske hudźbne dny w tamnišej Łužiskej hali. Z wosebitym hosćom budźe klarinetist Daniel Pfister ze Zhorjelca, dobyćer lětušeho regionalneho wubědźowanja „Młodźina hudźi“. Mjez druhim zaklinča twórby Johannesa Brahmsa a Josepha Haydna. Koncert započnje so we 18 hodź., zastupne lisćiki předawaja po schodźenkach za znajmjeńša 23 eurow na wosobu. Zwěrjenc za zahestawarjow