Wostudła partija jenož remis wunjesła

wutora, 27. septembera 2016
artikl hódnoćić
(0 )
Tróšku wjace přihrawkow ze srjedźneho pola by sej Leopold Hoelzel na prawym křidle přał. Tale nadźija pak so jemu njedźelu spjelniła njeje.  Foto: Jörg Stephan Tróšku wjace přihrawkow ze srjedźneho pola by sej Leopold Hoelzel na prawym křidle přał. Tale nadźija pak so jemu njedźelu spjelniła njeje. Foto: Jörg Stephan

SJ Njebjelčicy

– Hermsdorfske ST 1:1 (0:1)

Zestawa domjacych: Wićaz – Pawlik, Hommel, Haška, Hoelzel, Cyž, Lejnart, Šołta (50. Kubaš), Čornak, Korjeńk (56. Zeller), Janca

Při najlěpšich wonkownych wuměnjenjach wotměchu koparjo Njebjelčanskeje SJ na domjacym trawniku dypkowu partiju přećiwo postupnikej z Hermsdorfa. Přiwisnicy kaž tež přewodźerjo aktiwnych ličachu z třomi dypkami za domjacych. Štož pak so tu publikumej poskići, bě wšo druhe hač porjadna kopańca. Spočatnje nastachu dosć dobre šansy, ale nichtó z nazhonitych Njebjelčanow njebě kmany na wrota přećiwnika třělić. Tak wosta jenički strašny kop Gabriela Čornaka w 25. min. najlěpša akcija prěnjeho połčasa. Čornak pak trjechi jenož do łaty. Tak dóńdźe, kaž hižo někotři na kromje hrajnišća připowědźichu, w 45. min. k nawjedowanju hosći.

wozjewjene w: Sport
Prošu přizjewće so, chceće-li komentar podać

Serbska debata

nowostki LND