Dwójna nula wolejbulowy turněr dobyła

wutora, 27. decembera 2016
artikl hódnoćić
(0 )

Po snadnej poražce 21:23 so Serbsko­pazličan Manuel Šołta chětro mjerzaše. Na nócnym wolejbulowym turněrje minjeny štwórtk bě wón mjenujcy ze swojim cyłkom Volker Racho finalnu hru přećiwo mustwu Dwójna nula přěhrał. Šołta, kiž hraje hewak we wobwodnej lize za Viktoriju Worklecy blidotenis, rjekny: „Smy dobre mustwo měli a tež derje hrali.­ Přećiwnik pak měješe Jana Bětnarja. Tón bě prědku při saku kaž sćěna.“ W dwěmaj skupinomaj wubědźowaše so dwanaće mustwow z cyłkownje 75 hrajerkami a hrajerjemi wo pokal Serbskeho młodźinskeho towarstwa Pawk. Połsta přihladowarjow jich pohonjowaše, tak zo bě sportowa hala w Pančicach-Kukowje derje pjelnjena. W 19.20 hodź. bě so turněr započał, w 1.15 hodź. bě kónc. Dwójna nula wubědźi sej prěnje městno, mustwo Volker Racho druhe. Na bronzowym městnje steješe cyłk z Chrósćic, a tak mjenowanu drjewjanu medalju dósta Sorabija Lipsk.

Kónčna tabulka

nócneho wolejbulo weho turněra

1. Dwójna nula

2. Volker Racho

3. Chrósćicy

4. Sorabija Lipsk

5. Bjarnat Krawc Drježdźany

6. Granit Hórki

7. Radwor II

8. Konjecy-Šunow

9. Dźiwje micki

10. Radwor I

11. Satkula

12. Nuknica

wozjewjene w: Sport

Galerija

dalši wobraz (1) dalši wobraz (2)
dalši wobraz (3) Zajimawe wokomiki nócneho wolejbuloweho turněra Serbskeho młodźinskeho towarstwa Pawk w Pančicach-Kukowje: Pawl Hančik (prědku při bulu, Radwor), Patrik Woko (prědku z hłowu při bulu, Konjecy-Šunow), Jakob Pakoßnick (při bulu, Dwójna nula) a Helena Hejduškec (při bulu, Chrósćicy, fota wotlěwa) Jörg Stephan
Prošu přizjewće so, chceće-li komentar podać

Serbska debata

nowostki LND