Jenož dypk w zestupnym boju

štwórtk, 01. junija 2017
artikl hódnoćić
(0 )

ST Wóslink/Skaskow

– ST Marijina hwězda 1:1 (0:1)

Zestawa hosći: O. Schmidt – Wróbl, Škoda, Łušćanski, Lipič, Peschmann, T. Jurš (65. P. Schmidt), O. Hawš, R. Hawš, Pakoßnick (40. Winkler), D. Jurš

Prěnje koparske mustwo ST Marijineje hwězdy ST Wóslinkej/Skaskowej wažnej dypkaj w boju přećiwo zestupej dariło, byrnjež so partija za hosći z wrotami w 7. min. chětro derje započała. Třělc běše Jakob Pakoßnick. Najwjetšu móžnosć, so wo předrozsud postarać, měješe w 25. min. Dawid Jurš. Wón bu w šěsnatce foulowany a sudnik postaji jědnatku, jeho kop pak njebě precizny dosć. Po tym prošeše sudnik Detlef Kral wobaj cyłkaj ke krótkej přestawce, zo bychu so hrajerjo napić móhli. Duel bě dale a wurunaniši, a šansy běchu na woběmaj stronomaj. Najwjetšu móžnosć měješe krótko do połčasa Falko Pesch­mann, ale třěli bul nimo wrotow. W 61. min. bu Richard Hawš njefairnje wot poslednjeho muža hosćićela zadźeržany, a sudnik pokaza tomu amplowu kartu. Přez pobrachowacu klewernosć hosći poradźi so Wóslinkej/Skaskowej wurunanje. Christian Bulmann bě Olivera Schmidta při pokutnym kopje do wopačneho směra pósłał (86.).

wozjewjene w: Sport
Prošu přizjewće so, chceće-li komentar podać

Serbska debata

nowostki LND