Běh z brawuru zmištrowali

póndźela, 14. oktobera 2019
artikl hódnoćić
(0 )
 Jakub Čórlich z Němcow bě w Bisko picach na wubědźowanju „Schiebock běha ekstremnje“ najwuspěšniši Serb.  Foto: Jörg Stephan Jakub Čórlich z Němcow bě w Bisko picach na wubědźowanju „Schiebock běha ekstremnje“ najwuspěšniši Serb. Foto: Jörg Stephan

Prěnje wosebite wubědźowanje pod hesłom „Schiebock běha ekstrem­nje“ w lěće 2014 było

Njeposrědnje po wuhódnoćenju ENSO-cupa běharjow 2019 startowachu wot připołdnja na běžni Biskopičanskeho stadiona při přijomnym wjedrje entu­ziasća wosebiteho běha ze zadźěwkami pod hesłom „Schiebock běha ekstremnje“ lětsa hižo šesty króć po 4 km dołhim kołokursu Biskopičanskeho měšćanskeho parka podłu rěki Wjazońcy (Wesenitz). Na kołokursu z tójšto dalšimi nowymi zadźěwkami dyrbjachu atleća, mjez nimi tež horstka serbskich starterow, swoju spěšnosć a wutrajnosć, wosebje pak tež wušiknosć na štyrjoch abo wosom kilometrach dopokazać.

Młódši šulerjo wubědźowachu so na wo­sebitym kole 444 metrow. Mjez 56 šulerkami wobsadźištej serbskej z Budyšina prima městnje w U 10: Milena Bergerec 9. městno (3:49 min) a Madlena Kralec 25. městno (4:51 min).

Cyłkownje je na Biskopičanskim wo­sebitym wubědźowanju 944 atletow (rekordne wobdźělenje) cil docpěło. Cyłkownaj dobyćerjej a najspěšnišej na 4 km (635 w cilu, z nich 354 žónskich) běštaj Kito Domke z Zschachwitza (17:01 min) a Laura Robel z Derbna (22:19 min).

wozjewjene w: Sport
Prošu přizjewće so, chceće-li komentar podać

Serbska debata

nowostki LND