Wolejbulistki Drježdźanskeho SC němski mišter

wutora, 27. apryla 2021
artikl hódnoćić
(0 )
Šeste dobyće wolejbulowych mišterstwow Němskeje bě za mustwo Drježdźanskeho SC wosebity triumf. Po tym zo běchu Drježdźanjanki přećiwo amtěrowacemu mištrej Allianz MTV Stuttgart prěnjej z pjeć hrow přěhrali, slědowachu tři dobyća, mjez druhim rozsudne 3:0 minjenu sobotu doma w Margonarenje. Foto: dpa/Matthias Rietschel Šeste dobyće wolejbulowych mišterstwow Němskeje bě za mustwo Drježdźanskeho SC wosebity triumf. Po tym zo běchu Drježdźanjanki přećiwo amtěrowacemu mištrej Allianz MTV Stuttgart prěnjej z pjeć hrow přěhrali, slědowachu tři dobyća, mjez druhim rozsudne 3:0 minjenu sobotu doma w Margonarenje. Foto: dpa/Matthias Rietschel

Minjenu sobotu dobychu wolejbulistki Drježdźanskeho SC rozsudnu pjatu partiju wo němske mišterstwo přećiwo cyłkej Allianz MTV Stuttgart w swójskej Margonarenje z 25:20, 25:23 a 26:24. Chowanče trenarja Alexandera Waibla startowachu finalnu seriju modusa „best of five“ ze zastatkom 0:2 a mytowachu so po třoch dobyćach za sobu z titulom 2021. Je to mjeztym jich šesty titul, posledni wubědźichu sej w lěće 2016.

Do rozsudneho duela při wysokim saku startowaše DSC ze zwučenej prěnjej šestku. Hóstne hrajerki změnichu poziciju přistajowarki, štož přewza Athina Papafotiou z Grjekskeje. Wusahowaca nadběhowarka Krystal Rivers falowaše znowa strowotnych přičin dla. Šwabowki nawjedowachu hač k 11:8, a Michaela Mlejnková z Čěskeje bě hač do toho ze štyrjomi dypkami najwuspěšniša. Z timeoutom přetorhny Drježdźanski trenar Alexander Waibl hru, dokelž jewjachu so pola jeho chowančow njedokładnosće w přijimanju nadaćow. To bě taktisce mudrje, wšako poradźi so hrajerkam wokoło kapitanki Leny Stigrot 12:12 a pozdźišo 15:13, kotrež wjace njespušćichu. Maja Storck skónči prěni přechod z asom při nadaću k 25:20.

wozjewjene w: Sport
Prošu přizjewće so, chceće-li komentar podać

słowo lěta 2020

nawěšk