ST Porchow – ST Marijina hwězda 1:0 (0:0)
Zestawa hosći: D. Matik – R. Cyž, T. Jurš, K. Pakoßnick, Luk. Hoge, Ch. Cyž, Fl. Bulank (82. Fe. Langer), J. P. Kuring, M. Wróbl (65. J. Clausen), J. Pakoßnick, F. Kreuz (70. R. Wende)
W prěnjej połojcy prěnjeho połčasa so žanemu z mustwow strašne wotzamknjenja njeporadźichu. W 24. min. pak bul nadobo za wrotowej liniju ležeše. Při dołhim diagonalnym bulu bě so Ronald Cyž zakalkulował, tak zo měješe Domenic Hähnel městno za třělwu. Wón kulowatu kožu prawje njetrjechi, tola wona dźakowano nutřkownej žerdźi puć do wrotow namaka. Nimo toho suny so bul wrotarjej Davidej Matikej přez ruce (24.). Swoju chětro njezbožownu akciju pak Nowosličan hižo šěsć mjeńšinow pozdźišo zaso zaruna. Z wulkotnym refleksom z nohu klóšterski wrotar pospyt Maurica Wittwera wotwobara. Wjace jasnych šansow pak w prěnjej połojcy hry njebě.
