Stafli za sokołski turněr wulosowanej

póndźela, 28. januara 2019
artikl hódnoćić
(0 )
Wolejbulistki Hrajneho zjednoćenstwa Pančicy-Worklecy wulosowachu sobotu stafli za 37. sokołski wolejbulowy turněr wo po kal Domowiny, kotryž zarjaduje Serbski Sokoł 2. měrca w sportowni na Budyskim Třělnišću.  Foto: Konstantin Hrjehor Wolejbulistki Hrajneho zjednoćenstwa Pančicy-Worklecy wulosowachu sobotu stafli za 37. sokołski wolejbulowy turněr wo po kal Domowiny, kotryž zarjaduje Serbski Sokoł 2. měrca w sportowni na Budyskim Třělnišću. Foto: Konstantin Hrjehor

Józef Šwon a Jan Hrjehor, zamołwitaj Serbskeho Sokoła za 37. sokołski wolejbu­lowy turněr wo pokal Domo­winy, staj sobotu we Worklečanskej sportowni zhromadnje z wolejbulistkami Hrajneho zjednoćenstwa Pančicy-Worklecy stafli za turněr wulosowałoj, kotryž budźe 2. měrca w sportowni na Bu­dyskim Třělnišću.

Dokelž wotmě so wulosowanje do par­tijow Pančičankow a Worklečankow we wob­wodnej lize, móžeše hnydom 14 wolejbulistkow 14 losow z losowanskeje šklě wućahnyć. Hłowje staflow A a B twori­taj finalistaj zašłeho lěta. Na A1 bu cyłk Serbskeho domu Budyšin sadźeny, na B1 zakitowar pokala Bratrowstwo Róžant­. Tak je najprjedy raz zaručene, zo mu­stwje w skupinskej fazy přećiwo sebi njenastupitej.

W staflomaj budźe w předkole kóždy přećiwo kóždemu hrać, potom dobyćer stafle A přećiwo druhemu stafle B w prěnim połfinalu a dobyćer stafle B přećiwo druhemu stafle A w druhim połfinalu. W kónčnym kole wubědźuja so mustwa potom jenož hišće wo městna 1 do 14.

wozjewjene w: Sport
Prošu přizjewće so, chceće-li komentar podać

nawěšk

nowostki LND