Soccerowy turněr sobotu w Sernjanach je kwartet z Róžanta dobył. Cyłkaj Sernjany młodźina a Sernjany stari knježa wobsadźištej městnje dwaj a tři. Hrało je tam 7 mustwow.

Koparske wuslědki – dypkowe hry:

1.FC Nürnberg – Dynamo3:0 (2:0)

FCE – Hannover 96 3:1 (1:1)

Budissa Budyšin – FC Eilenburg 2:5 (1:3)

Koparskej wuslědkaj – pokalnej hrě: Dohna – Natwar Němske Pazlicy 3:2 (2:0)

Sokoł – Heidenau 0:2 (0:1)

Koparske wuslědki – přihotowanske hry:

SJ Chrósćicy – Klětno/Hamor 2:1 (1:1) Wrota SJC třělištaj Dawid Žur (12.) a Gabriel Zahrodnik (66.).

ST Haselbachtal – SJ Chrósćicy II 2:0 (1:0) SJN – Drjewnica 1:2 (0:0)

Dennis Wagner bě za Njebjelčanow 1:0 (69.) třělił.

Koparske wuslědki – wyša liga:

Zhromadny wubědźowanski cyłk wohnjowych wobornikow ze Sernjan a Róžanta je pjatk wječor w Sernjanach wubědźowanje w hašenskim nadběhu dobył – a to z časom 26,57 sekundow. Druhe městno wobsadźichu Smjerdźečenjo (27,12 sek.) a třeće wobornicy z Wotrowa (27,50 sek.). W Sernjanach wobdźěli so 7 hašenskich cyłkow. Na dalšich městnach sćěhowachu wobory z Ralbic (29,50 sek.), Pěskec (29,90 sek.), Konjec-Šunowa (29,93 sek.) a Grünewald-Selle (33,72 sek.). Foto: Konstantin Hrjehor

Awtor dźensa

Elias Bětka

Demi Vollering je Tour de France Femmes 2026 dobyła. W dramatiskim finalu w Nizzy zakitowaše Nižozemjanka swój předskok před Katarzynu Nieśu-Phinneyjom. Elisa Longo Borghini wudospołni podij.

Tuta tura je wšitke předsudki přewinyła a sportowsce pokazała, zo je žónski kolesowarski sport runje tak napjaty kaž kóždy druhi. Z nadběhami, taktiskimi duelemi a wotewrjenymi bojemi wo žołty trikot běše dźewjećdnjowska kołojězba spektakl, kotryž je wobhladanja hódny. Zjawnosć to nětko tež stajnje sylnišo zaznawa. Hižo muskej turje 2026 sćěhowachu miliony ludźi. Žónska tura profituje přiběrajo z profesionelnišeje inscenacije a wjetšeje medialneje prezency. Tola runje tu wukristalizuje so přećiwk: Kedźbnosć rosće spěšnišo hač runoprawosć.

Najjasniši přikład za to je dobyćerske myto. Za muži su 2026 dohromady něhdźe 2,3 milionow eurow wusypali a cyłkowny dobyćer dósta 500.000 euro. Pola žonow wobsahuje hornc mytowanskich pjenjez jeničce 250.000 eurow a dobyćerka dóstanje 50.000 eurow.

Dypkowej a pokalna hra

Koparskej cyłkaj FC Energija Choćebuz a Budissa Budyšin startujetej njedźelu kóždej z dypkowej hru do noweje hrajneje doby. Winowatostna zazběhowa hra Ralbičanskich Sokołow do noweje sezony budźe pokalny duel na krajnej runinje. Dobyćer partije nastupi w druhim kole doma přećiwo regionalnemu ligistej FSV Zwickau.

09.08.  13:30  FC Energija Choćebuz –

  Hannover 96

09.08.  14:00  Budissa Budyšin –

  FC Eilenburg

09.08.  15:00  Sokoł Ralbicy/Hórki –

  Heidenauske ST

Přihotowanske koparske hry

Přihotowanska faza koparskich cyłkow na wokrjesnej runinje so nachila. Posledni raz do zahajenja dypkowych hrow nastupi sobotu prěnje koparske mustwo SJ Chrósćicy w tesće doma přećiwo wo­krjesnemu wyšemu ligistej z Klětnoho/Hamora. Testowa hra budźe wutoru w Kulowje mjez tamnišim prěnim a druhim mustwom.

08.08.  14:00  SJ Chrósćicy –

  ST Klětno/Hamor

09.08.  14:00  ST Haselbachtal –

  SJ Chrósćicy II

09.08.  15:00  SJ Njebjelčicy –

  ST Drjewnica

11.08.  19:00  Módro-běli Kulow –

  Wulke Zdźary/Kulow II

Swjedźeń kopańcy w Chrósćicach