Sport (22.06.26)
W Chrósćicach je so wčera a zawčerawšim wuspěšnje sakske mišterstwo w konjacym sporće z jedno- a dwupřežnymi zapřahami zakónčiło. Bě to mjeztym 7. turněr při Fulkec hórce, kotryž je konjace sportowe towarstwo „Při Klóšterskej wodźe“ Pančicy-Kukow přewjedło. Krajny mištr we wurisanju wulkich jednopřežnych zapřahow bu Klaus Seifert z Grumbacha blisko Wilsdruffa z 15lětnej kobłu Hot Black Girl. Chróšćanski lokalny matador Lukas Wenderoth wubědźi sej w pruwowanju z poměrnje sylnej konkurencu ze 14lětnym walachom Elbfürstom titul sakskeho wicemištra. Wenderoth je we wjacorych pruwowanjach startował, mjez druhim z pjećlětnej kobłu Lunu, kotruž bě Chróšćan Florian Zahrodnik plahował. Pohonč Lukas Wenderoth a sportowy kóń Luna wobsadźištaj jako duwo mjez druhim prěnje městno w přezpólnym jězdźenju klasy A. Wubědźowanje dwupřežnych zapřahow doby Anna-Sophia Zahn z ponyjomaj Godleaf a Ginger. Wobdźěliło bě so 40 zapřahow z wjacorych zwjazkowych krajow, mjez druhim ze Sakskeje, Braniborskeje a Durinskeje.
Zamołwići sportoweje jednotki Njebjelčicy Dirk Wuschansky ...
Widźał,słyšał, napisał (22.06.26)
Awtor dźensa
Jurij Bjeńš
Sport (19.06.26)
Na turněr ze zapřahami
Konjace sportowe towarstwo „Při Klóšterskej wodźe“ Pančicy-Kukow přewjedźe jutře a zajutřišim, 20. a 21. junija, w Chrósćicach jězdny turněr ze zapřahami. Wubědźowanja započnu so we 8 hodź. Mytowanje přewjedźe so sobotu wot 20 hodź. w swjedźenskim stanje a njedźelu wot 15.30 hodź. při parcoursu.
Posledni hrajny dźeń
Koparske mustwa na wokrjesnej runinje změja swój posledni hrajny dźeń.
20.06. 13:00 ST Radwor – ST 1896 Wulka Dubrawa
20.06. 13:00 ST Lubuš – SJ Chrósćicy II
20.06. 13:00 SJ Njebjelčicy – HZ Mały Wosyk
20.06. 15:00 ST Hnašecy-Dobruša – Módro-běli Kulow
20.06. 15:00 Zeleno-běli Bukecy – SJ Chrósćicy
20.06. 15:00 Sokoł Ralbicy/Hórki – TSV Wachau
21.06. 13:00 Ralbicy II / Pančicy II – Natwar Němske Pazl. II
21.06. 15:00 ST Marijina hwězda – TSV Wjernarjecy
Satkulabičtura w Ralbicach
Po zazběhu Satkulabičtury je přichodna stacija póndźelu, 22.6. w Ralbicach. Wolejbulowe mustwa zetkaja so w 17.30 hodź., turněr započnje so we 18 hodź. Dalše stacije budu 29.6. Njebjelčicy, 6.7. Konjecy, 13.7. Wotrow, 20.7. Radwor, 27.7. Chrósćicy, 3.8. Kulow / 10.8. Róžant a 17.8. Miłoćicy (finale).
Ministrantska kopańca
Šansy njewužili
LSV Hory –
Sokoł Ralbicy / Hórki 2:2 (0:1)
Zestawa hosći: Schöne - B. Heidorn, Šewc, R. Šnajder (62. Korjenk), Wałda, L. Heidorn (46. Woko), D. Šołta, Hicka, Mjechela (70. Bejmak), N. Šnajder, P. Šołta
Njedźelu dopołdnja su Sokoljo na sportnišću na Horach nastupili. Tamniše towarstwo wjedźe zajimawu tabulku. W njej jewja so wšitke hry wot zawjedźenja wokrjesneje wyšeje ligi w sezonje 2009/2010. Tabulku nawjeduja Sokoljo z Ralbic. Woni bjez přetorhnjenja wot započatka wokrjesneje wyšeje ligi w njej hraja. Hory steja na šestym městnje. Cyłkownje stej cyłkaj dotal 24 króć přećiwo sebi hrałoj. 12 króć dobychu Sokoljo, sydom króć Horjenjo a pjeć króć sej mustwje dypkaj dźěleštej. W prěnjej hrě sezony 2025/26 w Ralbicach su Sokoljo turbulentnu kónčnu fazu z 3:1 (1:1) za sebje rozsudźili. Tehdom trjechištaj za Sokołow Bosćij Bejma (32., 90.+3) a Denny Gloxyn (83.). Wobaj tónkróć w kadrje njeběštaj.
Wuslědki (18.06.26)
wokrjesna wyša liga
Kulow - ST Horni kraj-Sprjewja 2:1 (1:1)
SJ Chrósćicy - Rakečanske ST 2:2 (1:1)
1. ST Hnašecy-Dobruša 29 76 : 36 69
2. Póst Germania Budyšin 29 70 : 37 58
3. 1911 Wulke Rědorjecy 29 69 : 39 53
4. Sokoł Ralbicy/Hórki 29 50 : 50 51
5. Zeleno-běli Bukecy 29 70 : 57 45
6. SG Großnaundorf 29 61 : 52 44
7. Rakečanske ST 29 59 : 52 42
8. Módro-běli Kulow 29 58 : 52 42
9. LSV Hory 29 76 : 75 42
10. SJ Chrósćicy 29 56 : 51 36
11. Hlinowski SK 1931 29 59 : 68 35
12. FV Ottendorf-Okrilla 29 49 : 70 31
13. Drohotka Ramnow 29 42 : 64 31
14. TSV Połčnica 29 35 : 68 25
15. ST Horni kraj-Sprjewja 29 35 : 60 23
16. TSV Wachau 29 41 : 75 20
Són wo mišterstwje wusonjeny?
HZ Lomnitz/Großnaundorf II –
SJ Njebjelčicy 2:1 (0:0)
Zestawa hosći: Hahn – Wjerš, Hanuza, Korjeńk, Lehmann (51. Plaettner), Čornak (87. Heymann), Hrjehor (67. M. Reinecke), Bjeńš, Herrmann, Schulze
Na předposlednim hrajnym dnju su so nětko tola hišće skrótka durje za mišterstwo wotewrěli. Sobotu bě druhe zastupnistwo z Wachauwa mjenujcy jenož njerozsudnje 2:2 přećiwo rezerwje z Ottendorfa-Okrille hrało. Tuž mějachu čerwjene košle z dwěmaj dobyćomaj šansu, mišterstwo ze swójskeje mocy docpěć. Přez lěpši wrotowy poměr bychu so na prěnje městno sunyć móhli. Telko k wuchadnej situaciji do hry. Na kóncu pak so hry na hrajnišću rozsudźa a nic z kapsnym ličakom.
Wuslědki (17.06.26)
wokrjesna klasa stafla II
Wulke Rědorj. II – ST Kinspork II 5:2 (3:1)
Wachau II – Ottendorf-Okr. 05 II 2:2 (0:1)
1. TSV Wachau II 19 53 : 30 41
2. SJ Njebjelčicy 19 52 : 24 38
3. SV Liegau-Augustusbad 19 67 : 27 34
4. Bretnig-Hauswalde II 19 54 : 43 34
5. Ottendorf-Okrilla 05 II 19 43 : 36 30
6.HZ Mały Wosyk 19 40 : 44 27
7. Wulke Rědorjecy II 20 50 : 59 26
8. Lomnitz-Großnaun. II 19 31 : 47 21
9. HZ Arnsdorf II 19 35 : 46 18
10. ST Haselbachtal 19 29 : 52 11
11. Kinspork/Łužnica II 19 18 : 64 10
Wučerjo so přećiwo dwanatkarjam 2:1 přesadźili
334. wolejbulowy duel mjez wučerjemi a rozžohnowacymi so abiturientami Serbskeho gymnazija Budyšin (SGB) skónči so z wuspěchom 2:1 pedagogow.
