Njebjelčenjo po zastatku dobyli

srjeda, 30. septembera 2026 spisane wot:

SJ Njebjelčicy –

ST Kinspork/Łužnica 5:3 (1:2)

zestawa domjacych: Gerlach - Hrjehor, Wjerš, Šram (65. Marticke), Wjacławk (79. Čornak T.), Čornak R. (77. Wätzig), Zarjeńk (90. Reineke), Plaettner, Korjeńk, Krawčik, Rudolf

25 stopnjow celsiusa, słónco, wosom wrotow a domjace dobyće. Što chceš wjac? To běchu mysle něhdźe 120 přihladowarjow na domjacej hrě Njebjelčanow přećiwo Sportowemu towarstwu Kinspork/Łužnica. Partija bě so z wysokej intensitu, ale z poměrnje mało šansami na wrota na woběmaj bokomaj započała.

Zazběh słušeše Handrijej Korjeńkej, kotryž swobodnje na wrota běžeše, potom pak na wrotarju zwrěšći. Kak to lěpje dźe, Korjeńk něšto mjeńšinow pozdźišo pokaza. Po dwójnym pasu z Williamom Plaettnerom předrě so Plaettner na prawym křidle a połoži bul prěki na Korjeńka, kotryž jón přez wrotowu liniju k 1:0 (31.) suny. Wurunanje pak slědowaše ani mjeńšinu pozdźišo. Direktnje po zakopje wurunachu Kinsporkčenjo z dalokej třělwu 1:1 (32.). Dotal wurunana hra bě nětko na stronje hosći. Woni zesylnichu ćišć na čerwjene košle. Hišće do połčasa hosćo na 2:1 (38.) zwyšichu.

Wuslědki (30.09.26)

srjeda, 30. septembera 2026 spisane wot:

kopańca

wokrjesna liga stafla II

1. TSV Połčnica 5  25:8  13

2. HZ Łaz/Běły Chołmc 6  24:17 12

3. SJ Njebjelčicy 6  18:10 11

4. Zeleno-běli Sepicy 6  15:13 11

5. ST Kinspork/Łužnica 6  15:11 8

6. Wulke Zdźary/Kulow II 6  13:14 8

7. FSV Łuty 6  9 : 11 8

8. FC Łužica 6  14:14 7

9. ST Marijina hwězda 5  11:12 7

10. ST Lubuš 5  5:18  6

11. Módro-běli Minakał 4  11:9  5

12. ST Radwor 6  10:13 4

13. SJ Chrósćicy II 6  3:16  4

14. Natw.Němske Pazlicy II 5  6:13  2

Kulowčenjo derby rozsudźili

wutora, 29. septembera 2026 spisane wot:

Módro-běli Kulow – Sokoł Ralbicy/Hórki 3:1 (1:1)

Zestawa domjacych: P. Korch – B. Borch, S. Kocor (62. Langa), Kisch (70. Kowalick), Wehlan, Bulank, Kokert (90. Hančka), Čórlich, Rettig (62. Kreuz), Woko (38. Koplanski), N. Kocor

Zestawa hosći: Schöne – Wałda, P. Šołta, S. Šewc, L. Heidorn (82. Čóška), B. Heidorn, Mjechela (62. Hicka), N. Šnajder, Frencl, R. Šnajder, Woko

Při krasnym słónčnym wjedrje dojědźechu sej delanscy koparjo sobotu na derby do Kulowa. Kaž hižo loni swjećachu tam tež piwarski swjedźeń tamnišeje piwarnje. Tuž bě motiwacija domjacych hišće wo wjele wjetša, kaž je to tak a tak za derby trěbne. Loni pak njeběchu Ralbičenjo w Kulowje wobstali, dokelž běchu w druhim połčasu přewjele zmylkow worali.

Minjeny kónc tydźenja wotmě so w skale ProStein w Kinču (Kindisch) pola Halštrowa pjaty a zdobom posledni běh mjezynarodneho­ truck trial-mišterstwa 2026. Při najlěpšim wjedrje sćěhowachu stotki přihladowarjow spektakularny motorsportowy­ podawk. Ćežke přezpólne jězdźidła mějachu naročny parcours z nahłymi na- a wotjězdami, wuskimi pasažemi a přirodnymi­ zadźěwkami zmištrować. Při tym běchu předewšěm preciznosć, wušiknosć a zhromadne dźěło šoferow a sobujěducych­ trěbne. Wuhotowar mišterstwa je Truck Trial Club Němska z.t. (TTCD). W mjezynarodnym mišterstwje mustwa z Němskeje a Čěskeje přećiwo sebi nastupja. Z finalom w Kinču je so sezona 2026 skónčiła a region je prěni raz tutón wosebity motorsportowy podaw­k dožiwił. Foto: Halena Jancyna

Worklečanki pokalne finale dobyli

wutora, 29. septembera 2026 spisane wot:

Wolejbulistki prěnjeho zastupnistwa Viktorije Worklecy su so za finale wobwodneho pokala kwalifikowali. Mustwo TSV Kundračicy bě ze zašłosće derje znaty kontrahent. Finalne koło wuhrachu w Zhorjelcu.

TSV Kundračicy – Viktoria Worklecy

1:2 (27:25, 25:27, 7:15)

Z kónčneho dypkoweho stawa da so hižo wučitać, zo běštej prěnjej sadźbje jara napjatej. Na spočatku prěnjeho přechoda dominowachu Kundračanki. Sylna serija nadaćow wobradźi jim sydom dypkow a z tym jasny předskok. Tutón nachwatachu Worklečanki krok po kroku mjez druhim z wariabelnymi nadběhami a přez wonkownu abo diagonalnu poziciju. Při wurunanju 10:10 prošachu hosćićelki wo přetorhnjenje, tola to Worklečanki z rytmusa njepřinjese. Njemylene wudobychu sej dalše dypki, tak zo stajichu Kundračanki poměrnje spěšnje při stawje 16:11 swoju druhu próstwu wo krótku přestawku. Ta pak pokaza swoju skutkownosć, wšako so jim poradźi, wurunanje docpěć. Slědowaše faza, w kotrejž wobě mustwje dypkowaštej. Naposledk pak so přećiwnicy z 25:27 přesadźichu.

Tež koparski dorost Sokoła dobył

wutora, 29. septembera 2026 spisane wot:
Koparski derby wotmě so tydźenja tohorunja mjez mustwomaj młodźiny C Sokoła Ralbicy/Hórki a Módro-běłych Kulow II. Ralbičanscy Sokoljo duel 7:1 (3:0) dobychu. Trenarjej delanskeje młodźiny Silvio Richter a Syman Zimmermann (wotlěwa) běštaj­ z wukonom swojeho mustwa jara spokojom. Foto: Mia-Katarina Hrjehorjec

Prěnju hru dobyli

wutora, 29. septembera 2026 spisane wot:
Hrajne zjednoćenstwo SJ Njebjelčicy II/Sokoł Ralbicy-Hórki II/ST Marijina hwězda II je minjenu njedźelu swoju prěnju hru dobyło, a to 3:2 (1:1) přećiwo hrajnemu zjednoćenstwu­ Halštrow/Hlinowc II. Njedźelu, 11. oktobra, nastupi mustwo trenarja Roberta­ Šołty w Lessingowym měsće přećiwo Jednoće Kamjenc. Foto: Mia-Katarina Hrjehorjec

Hru w poslednej mjeńšinje za sebje rozsudźili

wutora, 29. septembera 2026 spisane wot:

ST 1910 Drohotka Ramnow –

SJ Chrósćicy 1981 1:2 (1:0)

Zestawa hosći: Škoda – Mark, Kral-Zahrodnik, Rätze, Dźisławk, Handrik (80.Wornar), Žur, Zahrodnik, Graf (68. Šiman), Hawš, Bogusz

28. koparski turněr Sokoła

póndźela, 28. septembera 2026 spisane wot:

Wšitke přeprošene cyłki starych knjezow so wobdźělili

Na mjeztym 28. koparskim turněrje starych knjezow wo pokal Serbskeho Sokoła z. t. w Chrósćicach je so pjatk pjeć wot pjeć přeprošenych cyłkow wobdźěliło. To bě chětro zwjeselace, wšako běchu so před dwěmaj lětomaj w Pančicach tři mustwa wobdźělili a loni w Ralbicach samo jenož dwě. Lětsa bě tomu hinak. Přewjedli běchu wubědźowanje stareje serbskeje koparskej gardy zamołwići Sportoweje jednotki Chrósćicy, kotřiž swjeći lětsa 45lětny jubilej, zhromadnje ze serbskimi Sokołami. Turněrowy modus a wšě prawidła běštaj turněrowy nawoda Jan Hrjehor a nowinarski rěčnik Sokołow Stefan Šmit hižo 24 hodźinow do turněra wšitkim zamołwitym připósłałoj. Tak bě do prěnjeje hry jasne, zo hraja po modusu kóždy přećiwo kóždemu, a to stajnje jenož 10 mjeńšinow. Přičina za to bě wulka ličba mustwow a zakop prěnjeje hry w 18 hodź. Nimo toho ličachu Sokoljo z tójšto hrami, kotrež 0:0 abo 1:1 skónča. Njerozsudne hry rozsudźachu z třělenjom jědnatkow, zo njebychu při wuličenju kónčnych městnow problemy měli. Pjeć wot dźesać hrow skónčichu 1:0 a pjeć 0:0.

Kónctydźenske wuslědki (28.09.26)

póndźela, 28. septembera 2026 spisane wot:

Koparski cyłk Dynama Drježdźany wot wčerawšeje njedźele tabulku krajneje ligi nawjeduja. Mustwo, w kotrymž hraje Radworčanka Johanna Wjeselic, je wčera doma w Drježdźanach 8:1 (3:0) přećiwo mustwu ST Dub Reichenbrand dobyło. We wokrjesnej wyšej lize skónčichu sobotu derby Módro-běli Kulow – Sokoł Ralbicy/Hórki 3:1 (1:1). Hosćo z Delan nawjedowachu z pomocu Richarda Šnajdera 1:0 (19.). Hišće do połčasa pak Paul Kockert wuruna (38.). Běrtlk hodźiny do kónca trjechištaj za hosćićelow w běhu 180 sekundow Marvin Kowalick (76.) a Louis Kreuz (79.). Drohotka Ramnow – SJ Chrósćicy hraještaj 1:2 (1:0). Jan Bogusz bě za SJC wurunał (60.) a Klemens Mark w třećej mjeńšinje přidatneho hrajneho časa 2:1 (90.+3) trjechił. We wokrjesnej lize stafla II su koparjo druheho mustwa SJ Chrósćicy 0:4 (0:1) w Połčnicy přěhrali. Radworske prěnje koparske mustwo je skónčnje dobyło, a to doma 5:2 (3:0) přećiwo koparskej rezerwje Natwara Němske Pazlicy. Třělcy Radworskich wrotow běchu Mick Grubert, Julien Glück­lich, Marius Adam a Caspar Dźisławk, kotryž bě dwójce trjechił. Hru klóšterskich koparjow su přepołožili.

LND onlineshop 2026

Nowe poskitki LND namakaće w lětušim wudaću Nowinkarja!

Nowinkar 2026-27

HSSL25

Chróšćan Šulerjo

Midas Logo