Prěnje městno za mustwo SGB
Při sportowym wubědźowanju „Młodźina trenuje za olympiju“ bě so sakske finale w bičwolejbulu 29. smažnika 2026 za šulerjow a šulerki starobneje klasy U14 w sakskej stolicy přewjedło. W tutej starobnej klasy hraja po modusu štyrjo přećiwo štyrjom. Dwě holcy a dwaj hólcaj hraja po regulach wolejbula w pěsku. Sak wisa 2,10 m wysoko. Hra skónči so po dwěmaj dobytymaj sadźbomaj a sadźbu dobudźeš po 15 docpětych dypkach. Tež bičwolejbulowy cyłk Serbskeho gymnazija Budyšin je so w regionalnym finalu za tute wubědźowanje kwalifikował. Štyri dalše cyłki ze Sakskeje su sej tohorunja městno za krajne finale wuhrali. To běchu z Frankenberga Lutherowy gymnazij, gymnazij z Engelsdorfa, gymnazij z Oelsnitza Mosen a z Pirny mustwo Schilleroweho gymnazija, kotrež nažel přijěło njeje.
Wuspěch za „Słónčne róže“
Wojerecy – to bě sportowy kónc tydźenja z tójšto rjanymi hrami, ze swójbnej atmosferu a bičwolejbulom na wysokim niwowje za hrajerce a hrajerjow mustwa „Słónčna róža“. Minjeny kónc tydźenja bě so serbski kwartet na tradicionalnym bičwolejbulowym cupje we Wojerecach wobdźělił.
Hižo 23. raz su woblubowany turněr na hrajnišćomaj we Wojerecach organizowali. Mjeztym, zo bydlenske drustwo „žiwjenske rumy“ z.t. jako hłowny organizator funguje a městno k dispoziciji staja, starachu so nazhonite ruki Wojerowskeho towarstwa Nachbarschaftshilfeverein wo sportowe wuhotowanje. Cyłkownje 21 mustwow z Wojerowskeho regiona přeprošenju sćěhowaše, zo bychu w pěsku wo požadany titul wojowali. Tež serbski cyłk „Słónčna róža“ ze Sernjančanku Xeniju Koberec, Konječanku Klaru Kralec, Hórčanom Janom Zarjeńkom a Budyšanom Eliasom Kummerom bě so prěni raz za turněr přizjewił.
Wolejbulistki přeprošuja na trening
2. zwjazkowa koparska liga – sezona 2026/2027 (07.07.26)
přěhračk z relegacije prěnjeje ligi
VfL Wolfsburg
zestupnikaj ze zwjazkoweje ligi
1. FC Heidenheim
FC St. Pauli
zbytne mustwa ze sezony 2025/2026
Hannover 96
SV Darmstadt 98
1. FC Kaiserslautern
Hertha BSC
1. FC Nürnberg
VfL Bochum
Karlsruher SC
Dynamo Drježdźany
Holstein Kiel
Arminia Bielefeld
1. FC Magdeburg
Eintracht Braunschweig
dobyćer relegacije
SpVgg Fürth
postupnikaj z 3. zwjazkoweje ligi
VfL Osnabrück
FC Energija Choćebuz
Dynamowcy tež w Budyšinje wysoko dobyli
FSV Budissa Budyšin –
Dynamo Drježdźany 0:14 (0:6)
Zestawa domjacych: Herrmann, Kiefer, Schröder, Zech, Kloß, Häfner, Mo. Noack, Schäller, Böhme, Henning, Orosz, Käppler, Weiß, Sobe, Haustein, Ma. Noack, Mende, Hoferichter, L. Schmidt, M. Schmidt, Bagusch
Zestawa hosći: Bethke, Mesenhöler, Rapp, Lemmer, Muhamedbegović, Rossipal, Oehmichen, Hauptmann, Boeder, Daferner, Straudi, Vermeij, İnanoğlu, Ezeh, Fröling, Wagner, Sterner, Müller
Wysoke dobyće Dynamowcow
LSV Nowe Město nad Sprjewju – SG Dynamo Drježdźany 0:14 (0:2)
Zestawa hosći 1. połčas: Tim Schreiber – Jonas Sterner, Niklas Remus, Alexander Rossipal, Dennis Duah, Paul Lehmann, Friedrich Müller, Vinko Šapina, Tony Menzel, Robin Meißner, Stefan Kutschke
Zestawa hosći 2. połčas: Daniel Mesenhöler – Claudio Kammerknecht, Lukas Boeder, Lars Bünning, Philip Heise, Nicolai Rapp, Niklas Hauptmann, Jonas Oehmichen, Jakob Lemmer, Christoph Daferner, Oliver Batista Meier
Třělcy wrotow: 0:1 Niklas Remus (20.), 0:2 Jonas Sterner (25.), 0:3 Jonas Oehmichen (52.), 0:4 Niklas Hauptmann (58.), 0:5 Nicolai Rapp (63.), 0:6 Jakob Lemmer (66.), 0:7 Christoph Daferner (68.), 0:8 Niklas Hauptmann (70.), 0:9 Niklas Hauptmann (77.), 0:10 Lukas Boeder (79.), 0:11 Jonas Oehmichen (82.), 0:12 Jakob Lemmer (84.), 0:13 Aaron Riedel (87.), 0:14 Christoph Daferner (88.)
Druhi zwjazkowy koparski ligist Dynamo Drježdźany je tež druhu testowu hru w přihoće na nowu hrajnu dobu 2026/2027 dobył. Pola zastupjerja krajneje klasy LSV Nowe Město nad Sprjewju swjećeše mustwo šeftrenarja Thomasa Stamma před nahladnej kulisu 725 přihladowarjow jasne dobyće.
Widźał,słyšał, napisał (06.07.26)
Awtor dźensa
Jan Hrjehor
„Naprašowanja k staflam, wulosowanjam, wozjewjenjam proces njepospěša.“, pisa mjez druhim jednaćel Zapadołužiskeho koparskeho zwjazka (WFV) Gojko Sinde. W přichodnych dnjach a tydźenjach wozjewi wón ze swojim WFV-mustwom krok po kroku wšitko, štož je w zašłych tydźenjach a měsacach nadźěłał a spřihotował. Čakać pak dyrbja mjez druhim hišće na oficialne dokumenty nadrjadowanych koparskich zwjazkow, kaž na přikład Sakskeho koparskeho zwjazka (SFV).
Sport (03.07.26)
Dynamo dwójce we Łužicy
Druhi zwjazkowy koparski ligist Dynamo Drježdźany ma dźensa a jutře hnydom dwě přihotowanskej hrě we Łužicy.
03.07. 18:30 Budissa Budyšin – Dynamo Drježdźany
04.07. 13:30 LSV Nowe Město nad Sprjewju –Dynamo
18.07. 14:00 Natw. Němske Pazlicy – Brězk/Zły Komorow
23.07. 19:00 HZ Łaz/Běły Chołmc – Módro-běli Kulow
Wulosuja 1. pokalne koło
We wobłuku posedźenja hrajneho wuběrka Zapadołužiskeho koparskeho zwjazka wulosuja čłonojo srjedu, 8. julija prěnje hry w nowym wokrjesnym pokalnym kole w hrajnej dobje 2026/2027. Zakitowar titula su koparjo prěnjeho koparskeho mustwa Sokoła Ralbicy/Hórki.
Satkulabičtura w Njebjelčicach
Po zazběhu Satkulabičtury młodźinskeje redakcije Serbskeho rozhłosa we Worklecach a dalšej stacijomaj w Ralbicach a Njebjelčicach hraja póndźelu w Konjecach. Wolejbulowe cyłki zetkaja so w 17.30 hodź., turněr započnje so potom we 18 hodź. Dalše stacije budu 13.07. Wotrow, 20.07. Radwor, 27.07. Chrósćicy, 03.08. Kulow, 10.08. Róžant a 17.08. Miłoćicy (finale).
Třeća stacija w Baćonju
Koparski camp EWB w Budyšinje
Za 42 za kopańcu horjace so dźěći započnu so lěćne prózdniny lětsa z woprawdźitym wjerškom: Zajutřišim, 4. julija, zahaji so w dorostowym centrumje koparskeho towarstwa Budissy Budyšin w Humboldtowym haju 28. koparski prózdninski camp EWB, Budyskeho zastaraćela z energiju a wodu. Hižo jutře wočakuje wobdźělnikow cyle wosebite „sćoplenje“: Na Młynkec łuce wotměje so testowa hra 1. mustwa muži přećiwo druhemu zwjazkowemu ligistej Dynamu Drježdźany. EWB přeprošuje wšitkich wobdźělnikow campa, sej tule hru wobhladać. Sobotu, 4. julija, w 13.30 hodź. EWB zhromadnje ze zastupjerjemi prezidija towarstwa 28. koparski prózdninski camp potom oficialnje zahaji.
