Awtor dźensa

Pětr Šołta

Woni su zaso po puću: 19. julija startowaše lětuši Transcontinental Race (TCR). Mjeztym je to dwanate wudaće znateho ultra-kolesowarskeho wubědźowanja, kotrež wjedźe wobdźělniče a wobdźělnikow kóždolětnje po wjacorych tysacach kilometrow přez Europu. Tónraz startowachu kolesowarjo w norwegskim Trondheimje, zo bychu po něhdźe 5000 kilometrach w grjekskim městačku Kalamata nadźijomnje cilowu liniju přeprěčili.

We wobłuku testoweje hry FSV Budissy Budyšin přećiwo Dynamu Drježdźany su Roberta Steinbacha za jeho wurjadny angažement a wosebite zasadźenje za towarstwo wuznamjenili. W přestawce partije dósta wón před přitomnymi přihladowarjemi čestnu jehłu FSV Budissy Budyšin w bronzy.

Wot sezony 2020/2021 je Robert Steinbach za FSV Budissu Budyšin aktiwny a je hižo wot swojeho prěnjeho dnja jako woprawdźite zbožo za towarstwo. Puć k FSV Budissy Budyšin namaka wón tehdy z pomocu Normana Kloßa, kotremuž chcemy so na tym městnje tohorunja za drohotny kontakt dźakować. Wot toho časa so wón z wulkej rozpalitosću a wjele angažementom za naše towarstwo zasadźuje. Hač w zjawnostnym dźěle, při dźěle z našimi sponsorami, organizowanju zarjadowanjow abo jako kompetentny poradźowar za čłonow, čestnohamtskich a zamołwitych – Robert Steinbach angažuje so w najwšelakorišich wobłukach z wulkej rozpalitosću, fachowej kompetencu a spušćomnosću. Jeho skutkowanje wšak njewuznamjenja jenož jeho mnohostronske kmanosće, ale předewšěm tež jeho hłuboka zwjazanosć z FSV Budissu Budyšin.

Testowe koparske hry

Po krótkodobnje wotprajenej hrě zašły tydźeń změje prěnje koparske mustwo Sokoła hnydom dwě přihotowanskej hrě sobotu a njedźelu. Njebjelčanski cyłk přihotuje so w Małym Wosyku.

25.07.  14:00  SJ Chrósćicy –

  Biskopičanske KT 08

25.07.  17:00  Sokoł Ralbicy/Hórki –

  Módro-běli Njeswačidło

26.07.  11:00  SJ Chrósćicy II –

  LSV Hory II

26.07.  15:00  Sokoł Ralbicy/Hórki –

  ST Lubuš

26.07.  16:00  Mały Wosyk/Porchow –

  SJ Njebjelčicy

31.07.  18:30  SJ Njebjelčicy –

  HZ Zeleno-běli Halštrow

01.08.  15:00  Sokoł Ralbicy/Hórki –

  FC Wjelki Seer

02.08.  11:00  SJ Chrósćicy II –

  Natwar Němske Pazlicy

Trajne lisćiki sej skazać

Koparske towarstwo Budissa Budyšin předawa wotnětka trajne zastupne lisćiki za sezonu 2026/2027 za hry 1. mustwa we wyšej lize. Połna płaćizna za městno k sedźenju je 155 eurow, potuńšena 125 eurow. Štóž chce stać, dyrbi 125 eurow zapłaćić. Potuńšene płaća 95 eurow. Prawo na potuńšenu płaćiznu maja čłonojo towarstwa, wučomnicy, studowacy, rentnarjo a ćežkozbrašeni. Potuńšenje płaći jenož w zwisku z wotpowědnym płaćiwym wupokazom. Skazanski formular dyrbi so hišće dźensa, 24.07.26, na wupjelnić a wot­­pósłać.

Strowotniske běhi

Hnydom po wothwizdanju testoweje hry přećiwo Halleskemu FC (2:0) je FC Energija na treningowe lěhwo do Tirola wotjěła. Mustwo bydleše za čas lěhwa w hotelu Penzinghof w Oberndorfje a trenowaše na trawnikach Bichlachoweho stadiona.

24. junija zahajichu trening za njedźelu, 9. awgusta. Na tutym dnju startuje mjenujcy sezona w druhej zwjazkowej koparskej lize. Treningowy plan wobsahowaše šěsć testowych hrow, kotrež wuhrachu přewažnje we wokolinje Choćebuza.

26.06.  Lok Calawa – FCE 0:17 (0:8)

27.06.  LSV Hory – FCE 0:23 (0:8)

28.06.  FCE – Město Choćebuz 4:0 (1:0)

03.07.  FCE – VSG Altglienicke 1:1 (0:0)

04.07.  FCE – Hertha BSC II 3:1 (0:1)

11.06. FCE – Halleski FC 2:0 (1:0)