Energija wulku šansu njewužiła
Viktoria Köln –
FC Energija Choćebuz 0:2 (0:1)
Zestawa hosći: Funk – Straudi (88. Lucoqui), Manu, Awortwie-Grant, Borgmann – Michelbrink, Hannemann (60. Tolga Ciğerci), Boziaris (60. Rorig) - Tolcay Ciğerci (88. Tattermusch), Engelhardt, Biankadi (66. Cvjetinović)
wrota: 0:1 Engelhardt (18.), 0:2 Manu (75.)
přihladowarjo: 4.536
W kónčnej fazy mišterstwa zawěsćichu sej hosćo z Choćebuza z jara dobrym mustwowym wukonom wažne dobyće w Kölnje. A to, byrnjež 1:0 za hosći přez zmylk Kölnskeho wrotarja nastało. Po přestawce běchu Kölnjenjo jasnje lěpje w hrě a zjewichu so znajmjeńša trójce strašnje před wrotami FC Energije. Wulkotnej wuchowanskej akciji Merville Biankadija a Kinga Manu běštej trěbnej, zo by so napřećiwnym wrotam zadźěwało. Přez konter, kotryž Simon Straudi ze swojej přihrawku startowacemu nutřkownemu škitarjej Kingej Manuwej zahaji, padnychu potom wuswobodźace druhe wrota. 19. dobyće sezony bě jara wažne. Konkurenca wo postup z Essena, Duisburga, Verla a Rostocka wosta mjenujcy na tutym hrajnym dnju bjez dypkow.
MSV Duisburg –
FC Energija Choćebuz 2:1 (1:0)
Wuslědki (06.05.26)
Kopańca, 3. liga
Saarbrücken – Waldhof Mannh. 2:0 (1:0)
Jahn Regensburg – Hoffenheim 2:1 (1:0)
Alemann. Aachen – Hansa Rost.1:1 (0:1)
Schweinfurt – TSV Mnichow 1:1 (1:1)
VfB Stuttgart II – Essen 6:1 (2:0)
SSV Ulm 1846 – Viktoria Köln 0:2 (0:0)
Duisburg – Energija Choćebuz 2:1 (1:0)
Wehen Wiesb. – VfL Osnabrück 2:3 (1:0)
Ingolstadt – Rudne horiny Aue 3:5 (3:1)
1. VfL Osnabrück 36 61 : 30 76
2. FC Energija Choćebuz 36 69 : 50 66
3. MSV Duisburg 36 65 : 48 66
4. Čerwjeno-běli Essen 36 74 : 64 64
5. SC Verl 36 79 : 47 61
6. Hansa Rostock 36 65 : 43 61
7. TSV Alemannia Aachen 36 67 : 56 58
8. TSV 1860 Mnichow 36 53 : 48 56
9. Wehen Wiesbaden 36 51 : 50 50
10. Viktoria Köln 36 50 : 49 50
11. Jahn Regensburg 36 54 : 56 49
12. Waldhof Mannheim 36 57 : 67 49
13. VfB Stuttgart II 36 51 : 60 46
14. 1. FC Saarbrücken 36 46 : 50 44
15. FC Ingolstadt 04 36 58 : 54 43
16. TSG Hoffenheim II 36 62 : 67 40
17. TSV Havelse 36 53 : 81 32
18. SSV Ulm 1846 36 46 : 74 32
19. FC Rudne horiny Aue 36 47 : 68 30
20. 1. FC Schweinfurt 36 34 : 80 21
Doma wospjet wuspěšni
SJ Chrósćicy – SJ Großnaundorf 4:1 (3:0)
Zestawa domjacych: Škoda – Mark, Młynk, Zynda, Wićaz (87. Rätze), L. Zahrodnik (83. Kral-Zahrodnik), Hawš, Dźisławk, G. Zahrodnik (76. Šiman), Handrik (67. Bjeńš), Bogusz (74. Graf)
Při rjanym nalětnim wjedrje běchu koparjo z Großnaundorfa z hosćom w Chrósćicach. Domjacy běchu w zašłych hrach derje dypkowali a wotstawk k zestupnym městnam powjetšili. Tuž móžachu sebjewědomi do hry hić, běchu pak přiwšěm před hosćimi warnowani. Tući běchu wosebje přez standardy strašni. Tole su Chróšćenjo hižo w prěnjej hrě w Großnaundorfje nazhonili, wšako běchu wšitke tři wrota poražki tak nastali.
Chróšćenjo w Budyšinje wyskali
ST Póst Germania Budyšin –
SJ 1981 Chrósćicy 2:3 (0:2)
Zestawa hosći: Škoda – L. Zahrodnik (88. Wornar), Zynda, Dźisławk, Młynk, Handrik (81. Graf), Wićaz, Rätze, G. Zahrodnik (84. Šiman), Bogusz (68. Bjeńš), Hawš (93. Kral-Zahrodnik)
Wuhločorny dźeń za Pančanow
ST Marijina hwězda – SJ Wjelećin 1:4 (0:1)
Zestawa domjacych: D. Matik – Luk. Hoge, K. Pakoßnick, F. Kreuz, E. Bulank (81. E. Bulank), E. Zynda, Fl. Bulank, Ch. Cyž, M. Wróbl (57. J. Ladewig), J. Clausen (66. D. Jursch), A. Eldor
To běše prěnja partija lěta, kotraž so na trawniku wotmě. Kwalita hrajnišća pak hišće połnje přećam hrajerjow njewotpowěduje. Z třělwu z distancy spytaše Florian Bulank napřećiwneho wrotarja přelesćić. Tola Jürgen Madlenscha tutón pospyt wotzamknjenja nimo žerdźe wodźeše (13.).
Nawjedowanje poradźi so cyłkej z Hornjeho kraja njekedźbliwosće dla. K. Pakoßnick chcyše kulowatu kožu centralnje před šěsnatku přiwzać, njepytny pak, zo Frank Beger zady njeho na bul łakaše. Nadběhowar so podźakowa, přiswoji sej hrajny nastroj, a jón nimo Matika do klětki suny (25.).
Wobhladanja hódny remis
ST Marijina hwězda –
ST Załom-Wopaka 1:1 (1:0)
Zestawa domjacych: D. Matik – J. Ladewig, T. Jurš, K. Pakoßnick (87. E. Bulank), R. Cyž, A. Eldor, J. P. Kuring, Fl. Bulank, F. Peschmann (79. E. Zynda), F. Kreuz (7. F. Zelnak, 89. F. Langer), J. Pakoßnick
Wuslědki (05.05.26)
Wokrjesna wyša liga
Germania Budyšin – SJ Chrósćicy 2:3 (0:2)
Bukecy – ST Horni kraj-Sprjewja 1:1 (0:0)
Rakečanske – Ottendorf-Okrilla 2:4 (0:1)
Kulow – SC Wulke Rědorjecy 1:0 (0:0)
Hnašecy-Dobruša – TSV Wachau 5:0 (1:0)
Drohotka Ramnow – Sokoł 0:2 (0:1)
Hlinowski SK 1931– LSV Hory 2:3 (1:0)
1. ST Hnašecy-Dobruša 24 61:29 57
2. Póst Germania Budyšin 24 59 : 27 51
3. SC Wulke Rědorjecy 24 60 : 34 43
4. Sokoł Ralbicy/Hórki 24 41 : 41 43
5. SG Großnaundorf 24 56 : 40 41
6. Rakečanske ST 24 54 : 43 40
7. LSV Hory 24 65 : 62 37
8. Zeleno-běli Bukecy 24 58 : 50 35
9. Módro-běli Kulow 24 49 : 44 35
10. SJ Chrósćicy 24 48 : 42 28
11. Hlinowski SK 1931 24 51 : 63 25
12. FV Ottendorf-Okrilla 24 38 : 57 24
13. Drohotka Ramnow 23 30 : 55 22
14. TSV Połčnica 23 27 : 52 20
15. ST Horni kraj-Sprjewja 24 28 : 51 18
16. TSV Wachau 24 30 : 65 14
Wokrjesna liga, stafla 1
Załom Wopaka – ST Wjelećin 1:1 (1:1)
Wjernarjecy – HZ Huska/Hodźij 3:0 (1:0)
TSV Wjazońca – ST Kubšicy 1:1 (0:1)
Marijina hwězda – Arnsdorfske 3:0 (1:0)
Frankenthal – Motor Kumwałd 3:1 (2:0)
1. Bretnig-Hauswalde 20 91 : 11 58
2. ST Porchow 20 56 : 29 44
3. TSV Wjazońca 20 59 : 49 40
4. ST Kubšicy 20 68 : 40 35
5. ST Wjelećin 20 50 : 45 34
6. ZSZ Załom-Wopaka 20 42 : 39 34
7. ST Marijina hwězda 20 54 : 35 30
8. Arnsdorfske KT 20 57 : 44 29
9. TSV Połčnica II 19 36 : 50 25
10. HZ Huska/Hodźij 20 34 : 51 20
11. SZ Steinigtwolmsdorf 20 44 : 58 18
12. Motor Kumwałd 19 24 : 57 16
13. TSV Wjernarjecy 20 23 : 76 10
14. HZ Frankenthal 20 19 : 73 5
Rekord wobdźělnikow w Kamjencu
1083 sportowčow a sportowcow je so wčera běhajo a/abo kolesujo na Łužiskim kćenjowym běhu w Kamjencu wobdźěliło, štož je nowy rekord. Po přestawce 2020 a 2021 a nowym započatku ze 640 wobdźělnikami w lěće 2022 je ličba sportowčow a sportowčow zašłe lěta wobstajnje stupała: 2023 bě jich 758, před lětomaj 785 a loni 975. Nad złotej medalju wjeseleše so Willy Hadank z Kopšina, kotryž běh na distancy 15 kilometrow w starobnej klasy sk20 doby. Tež Pančičan Konstantin Knopp steješe na dobyćerskim podesće. Wón doběža w starobnej klasy sk10 po dwěmaj kilometromaj jako druhi do cila. W samsnym wurisanju bě Chróšćan Samuel Dyrlich štwórty najlěpši běhar. Worklečan Milan Kandt (sk14, 2 km) wubědźi sej tohorunja slěbro. Wjacori Serbja wobdźělichu so tež na kolesowarskich wurisanjach.
Młodźina C Sokoła Ralbicy/Hórki je we wokrjesnej lize koparski ...
Widźał,słyšał, napisał (04.05.26)
Kolesowanski sport lubuje njewšědnych kolesowarjow – tuchwilu rěka jeho najlubše dźěćo Paul Seixas. Hakle 19 lět stary Francoza jědźe, jako njeby zakonje sćerpnosće znał. Dobyća na wubědźowanju Flèche Wallonne, cyłkowny wuspěch w Baskiskej, k tomu druhe městno za Tadejom Pogačarom pola Strade Bianche a Lüttich-Bastogne-Lüttich – to njeje hižo jeničce pokazka jeho talentow, ale cyle jasna připowědź. A tola steji nade wšěm prašenje: Tour de France – haj abo ně? Debata skutkuje nimale zastarska. Na jednej stronje napominaja nazhonite hłosy ke kedźbliwosći, pokazujo na ćělnu a mentalnu brutalitu třitydźenskeje kołojězby. Na tamnym boku je Seixas hižo nětko dopokazał, zo z najlěpšimi jenož sobu njedźerži, ale jich wužaduje. Samo podijowe městno w Parisu jemu mjeztym přicpěwaja. Jeho wobdźělenje by wjace było hač jenož sportowa kročel – wone by symbolisku generacisku změnu woznamjenjało. Francoska, kotraž hižo lěta za nowym rjekom kołojězby pyta, swoju žadosć hižo nětko, dołho do ewenta, na njeho wusměrja.
