Wučerjo wysoko dobyli 12:0
Tři dny po wolejbulowej hrě mjez wučerjemi a maturantami na Serbskim gymnaziju Budyšin (SN wo tym rozprawjachu) slědowaše koparska hra. Bě to 33. tajki dwubój, kotryž su tónraz w sportowni Serbskeho šulskeho a zetkawanskeho centruma wuhrali. Dokelž bě tartanowa podłoha wonka po dešćiku hładka, njemóžachu pod hołym njebjom mocy měrić. Po dwěmaj poražkomaj w minjenymaj lětomaj su wučerjo skónčnje zaso raz přećiwo swojim dwanatkarjam dobyli. Zo skónči so partija po dwójce 15 min. tak wysoko (12:0) za staršu generaciju, měješe wosebje jednu přičinu. W mustwje pedagogow je pjeć aktiwnych koparjow sobu hrało – a pola maturantow bě David Leppers jenički akter. Dokelž njesteještaj wolejbulistaj Metod Šołta a Michał Eiselt k dispoziciji, wupomhaštaj něhdyšej maturantaj SGB a nětko wučerjej Alexander Wałda (Serbska zakładna šula Budyšin) a Maksimilian Kral-Zahrodnik (Serbska wyša šula Ralbicy).
Prěni test přěhrali
SJ Chróšćenjo II –
LSV Hory II 3:4 (1:2)
Zestawa domjacych: Škoda – J. Mark, M. Zahrodnik, Wornar, Brühl, Žur, B. Donat, Rätze, T. Donat, Sćapan, Kral-Zahrodnik, Špitank, Richter
Po prěnim treningowym tydźenju nastupi Chróšćanska rezerwa njedźelu w testowej hrě přećiwo rezerwje z Horow. Hačrunjež na woběmaj stronomaj někotři hrajerjo pobrachowachu, dožiwi horstka přihladowarjow na wrota bohatu hru.
Andrej Lupp docpě w 6 min. zažne nawjedowanje za hosći. Tola jenož mjeńšinje pozdźišo pósła Franciskus Wornar Simona Žura, kotryž sam na wrotarja běžo bul do kašćika suny. Přiwšěm hosćo lěpje hrajachu a mějachu lěpše móžnosće. W 26. min so Lupp w šěsnatce přesadźi a Fritz Kobalz trjebaše bul jenož hišće do wrotow sunyć. Po pitnej přestawce pak přewzachu Chróšćenjo kontrolu nad hru. Justus Brühl a Milan Zahrodnik měještaj móžnosći za wurunanje, njewužištej pak jej wuspěšnje. Dalše akcije Chróšćenjo nječisće wuhrachu. Tuž dźěchu ze snadnym zastatkom do połčasa.
Hrajerjo so rozžohnowali
Před wulkej kulisu 3500 přihladowarjow je so FSV Budissa Budyšin w přestawce přihotowanskeje koparskeje hry mjez prěnim koparskim mustwom Budissy Budyšin a druhim zwjazkowym koparskim ligistom Dynamo Drježdźany z wosom hrajerjemi rozžohnowała. Mjez nimi bě tež serbski kopar Damian Jurk (druhi wotprawa) z Hórkow. Wón woteńdźe ke krajnemu ligistej, Drježdźanskemu SC.
Foto: Jörg Stephan
Poradźenej testaj za Sokołow
Po cyłkownje třoch treningach wuhrachu Sokoljo kónc tydźenja dwě přihotowanskej hrě přećiwo cyłkomaj z wokrjesneje klasy a z wokrjesneje ligi. Cil běše so zaso zahrać, kaž tež nowopřichady lěpje zeznać a integrować.
Sokoł Ralbicy / Hórki – Njeswačidło 4:0 (1:0)
zestawa domjacych: Schöne – Wałda, P. Šołta, N. Šewc, F. Čórlich, B. Heidorn, Čóška, Hicka, Woko, Frencl, R. Šnajder, Kunze, S. Čórlich, Hantsch, J. Šołta
Mustwo z bliskeho Njeswačidła su w lěćnej přestawce třo hrajerjo wot Póst Germanije Budyšin zesylnili. Klětu chcedźa do wokrjesneje ligi postupić. W minjenych třoch lětach wobsadźichu stajnje njedźakowne druhe městno.
Samsnej mustwje dwójce so měriłoj
Na cyle wosebitu treningowu metodu běštej so druhej zwjazkowej ligistaj Dynamo Drježdźany a FC Energija Choćebuz dojednałoj. Za sobu přewjedźeštej dwě dospołnej, 90 mjeńšinow trajacej hrě, při kotrymajž wobě mustwje z rozdźělnymaj formacijomaj nastupištej.
Dynamo – FCE 1:2 (1:1)
zestawa Dynama: Schreiber – Sterner, Keller, Müller, Rossipal – Rapp, Wagner – Lemmer, Wagner, Bobzien – Vermeij
zestawa FCE: Lotka – Rorig, Manu, Pelivan, Zaydan - Bittencourt, Michelbrink – Hannemann, Ciğerci (35. Guttau), Butler –Engelhardt
wrota: 1:0 Vermeij (33.), 1:1 Michelbrink (34.), 1:2 Pelivan (52.)
Zakónčace tabulki koparskeho dorosta sezony 25/26 (28.07.26)
W starobnej klasy młodźina C (13- a 14lětni) je w minjenej hrajnej dobje tójšto serbskich cyłkow sobu hrało.
Koparjo Sportoweho towarstwa Marijina hwězda z Pančic-Kukowa běchu na kóncu sezony samo w zaměstnjenskim kole najlěpši.
Zapadołužiski koparski zwjazk /
młodźina C
Młodźina C, stafla 1
1. Horni kraj Sprjewja 10 104:21 28
2. Zeleno-běli Bukecy 10 101:16 24
3. HZ Wulka Dubrawa 10 81:14 24
4. SZ Wjelećin 10 60:15 24
5. HZ Załom-Wopaka 9 53:26 16
6. ST Motor Kumwałd 10 57:28 15
7. HZ Budissa 08 Budyšink 9 22:75 10
8. TSV 1859 Wjernarjecy 10 28:44 9
9. HZ Radwor/Njeswačidło 10 18:64 7
10. Wóspork/Hrodźišćo 10 10:145 3
11. SZ Steinigtwolmsdorf 10 11:97 0
Młodźina C, stafla 2
1. HZ Porchow 9 59:16 25
2. FSV Bretnig-Hauswalde 9 74:20 22
3. Biskopičanske KT 9 72:8 21
4. Póst Germania Budyšin 9 56:14 19
5. ST Marijina hwězda 9 56:38 12
6. SJ Chrósćicy 9 29:38 12
7. HZ Frankenthal 9 32:29 10
8. ST Huska 9 31:4 1 9
9. ST Bischheim-Häslich II 9 10:110 1
10. SJ Njebjelčicy 9 12:117 1
Młodźina C, stafla 4
1. HZ Wulke Zdźary 9 77:13 27
2. Wojerowski FC 9 75:14 21
3. HZ Lubuš 9 75:21 21
4. Sokoł Ralbicy/Hórki 9 40:37 13
5. ST Běła/Cunnersdorf 9 27:36 13
6. Módro-běli Kulow 9 34:45 12
7. FC BSW Łužica 9 39:64 12
8. HZ Łaz/Běły Chołmc 9 14:33 9
9. JFV ONFA II 9 17:61 3
10. Rakečanske ST 9 12:86 3
Młodźina C, mišterske koło
1. HZ Wulke Ždźary 11 48:14 29
2. Wojerowski FC 11 56:20 25
3. HZ SC Wulke Rědorjecy 11 64:29 25
4. HZ Porchow 11 42:32 25
5. Biskopičanske KT 11 46:34 18
6. HZ Wulka Dubrawa 11 31:26 17
7. ST Horni kraj Sprjewja 11 37:29 14
8. HZ Lubuš 11 41:50 13
W Chrósćicach je so wčera sedma wot dźesać stacijow ...
Biskopičenjo test jasnje dobyli
SJ Chrósćicy –
Biskopičanske KT 1:8 (0:4)
Zestawa domjacych: Škoda - Graf, L. Zahrodnik, Dźisławk, Zynda, Wornar, G. Zahrodnik, Bogusz, Rätze, Žur, Kral-Zahrodnik, Zelnak, Donat, Młynk, M. Zahrodnik
Na kóncu druheho přihotowanskeho tydźenja testowachu Chróšćenjo na domjacym trawniku přećiwo Biskopičanskemu KT. Biskopičenjo běchu z wyšeje ligi zestupili. Z trenarskej dwójku Tinom Gottlöberom a Ericom Bachmannom natwarja nowe mustwo, wšako běchu nimale wšitcy hrajerjo z kadra zašłeje sezony towarstwo wopušćili.
Koparski camp Budissy zahorił
To bě tydźeń połny kopańcy, dyrdomdejow a njezapomnitych dožiwjenjow za 42 dźěći z regiona. W Budyšinje su spočatk prózdnin 28. EWB-koparski prózdninski camp w dorostowym centrumje Humboldtowy haj wuspěšnje přewjedli. Sydom dnjow dołho je so trenowało, hrało a smjało. To bě prózdninske dožiwjenje, kotrež wostanje pola mnohich dźěći hišće dołho w pomjatku.
Hižo sćoplenje bě zahoriło. Zhromadnje z Energijowymi a wodowymi zawodami Budyšin wopytachu youngsterojo testowu hru 1. mustwa muži přećiwo SJ Dynamo Drježdźany na Młynkec łuce. Po tym startowaše wotměnjawy tydźeń ze wšědnymi treningowymi jednotkami, turněrami, wólnočasnymi poskitkami a mnohimi zhromadnymi aktiwitami. Hłowny zaměr campa pak njebě jenož kopańca, ale tež zhromadnosć, zamołwitosće a nowe přećelstwa. Hač na sportnišću, na wulětach, za čas wječornych programow abo při zhromadnym přenocowanju w dorostowym centrumje – mnohe dźěći běchu po někotrych dnjach woprawdźity team.
