Wjele poskitkow w rjadnych lisćinach za wurisanja běharjow w ...

wutora, 29. januara 2019
artikl hódnoćić
(0 )
Serbskeho wutrajnostneho sportowca Bena Šołtu z Miłoćic (tule na lońšim kćenjowym běhu w Kamjencu) zawěsće tež lětsa zaso na wubědźowanjach časćišo dožiwimy.  Foto: Jörg Stephan Serbskeho wutrajnostneho sportowca Bena Šołtu z Miłoćic (tule na lońšim kćenjowym běhu w Kamjencu) zawěsće tež lětsa zaso na wubědźowanjach časćišo dožiwimy. Foto: Jörg Stephan

W mjezyfazy do prěnjeho lětušeho starta­ w rjadnymaj lisćinomaj Drježdźanska wobwodna lisćina a Wopačanski cup běharjow 2019 su so mnozy atle­ća hišće na tajkich tradicionalnych wurisanjach wubědźowali, kaž su to kóždolětnej silwesterskej běhaj w Budyšinje a Oberlichtenauwje a nowolětny běh we Wojerecach. Spočatk noweho lěta je cyle wěsće kóždy sportowc wo wukonach na swojim polu přemyslował. Wšako chce wědźeć, hač su so nałožena móc a wudawki zadanili a kak ma so na sezonu hišće lěpje přihotować.

Nětko přihotuja so běharjo na nowu sezonu. Nimo zaso intensiwneho treninga w přirodźe při najwšelakorišim wjedrje činja woni to po datych móžnosćach a wuměnjenjach wězo tež na sněhakach abo smykačach. Momentanje su dotalne přihoty w našich kónčinach za wurunanje tajkeho treninga wosebje na lodźe date. Štóž pak dyrbi runje w tutej dosć ćežkej fazy za ćěło a duch dźěle ze swojeho intensiwneho treninga šmórnyć, dyrbi potom w poprawnej wubědźowanskej sezonje wosebje we wutrajnosći ze słabšimi wukonami ličić.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND