Hwězdźički-micki přećiwnikej w pokalnym finalu podleželi

póndźela, 30. decembera 2019
artikl hódnoćić
(0 )
Wolejbulistki Hrajneho zjednoćenstwa Pančicy-Worklecy a mustwa TSV Kundraćicy tworja tu zhromadny skupinski wobraz. W Habrachćicach (Ebersbach)  stej cyłkaj we wobwodnym pokalnym finalu wuchodneje Sakskeje pod wysokim sakom mocy měriłoj.  Foto: Tereza Wićazowa Wolejbulistki Hrajneho zjednoćenstwa Pančicy-Worklecy a mustwa TSV Kundraćicy tworja tu zhromadny skupinski wobraz. W Habrachćicach (Ebersbach) stej cyłkaj we wobwodnym pokalnym finalu wuchodneje Sakskeje pod wysokim sakom mocy měriłoj. Foto: Tereza Wićazowa

Na wobwodne pokalne finale do Kundraćic bě sej sobotu, 14. decembra, druhe­ zastupnistwo wolej­bulistkow Hrajneho zjednoćenstwa Pančicy-Wor­kle­cy dojěło. Dokelž bě so jeno šěsć mustwow­ za pokalnu seriju přizjewiło, běchu­ wone do dwe­ju staflow rozrja­dowane. Stafle běchu po ligach měšane, to rěka, zo su cyłki z wobwodneje klasy kaž tež z wobwodneje ligi nastupili.

W předkole běštej sej mustwo z Kundraćic w stafli B a druhe zastupnistwo Hrajneho zjednoćenstwa Pančicy-Worklecy w stafli A dobyće zawěsćiłoj.

Prěnje zastupnistwo HZ Pančicy-Worklecy, kotrež bě w předkole Kundraćicam z 1:2 podležało, njebě so za finale kwali­fikowało. Rezerwa žonow hrajneho zjednoćenstwa pak bě so w předkole přećiwo teamej Nysa Wolejs II a Módro-běłym Wojerecy ze stajnje 2:0 přesadźiła (SN rozprawjachu).

wozjewjene w: Sport
Prošu přizjewće so, chceće-li komentar podać

Serbska debata

nowostki LND