Krótko do hód hišće raz při wysokim saku sportowali

štwórtk, 02. januara 2020
artikl hódnoćić
(0 )
Cyłk Sorabije Lipsk je wolejbulowy turněr Serbskeho młodźinskeho towarstwa Pawk dobył.  Foto: Rejzka Šěrakec Cyłk Sorabije Lipsk je wolejbulowy turněr Serbskeho młodźinskeho towarstwa Pawk dobył. Foto: Rejzka Šěrakec

Pak młodźina w nocy měrnje we łožu spi, pak so na partyjach abo rejach zabawja. Tola sobotu do hód je w nocy zaso raz sportowała. Serbske młodźinske towarstwo Pawk bě na swój kóždolětny nócny wolejbulowy turněr do Pančičanskeje sportownje přeprosyło. Dwanaće mustwow so tam wubědźowaše, zo bychu sej do hód hišće tróšku městna w brjuchu za dobru pječeń spřihotowali. 22. december je přeco zaso witany datum, wšako so to wjetšina młodostnych z wulkich městow ze studija abo wot dźěła­ do domizny nawróći.

Organizator turněra Fabian Šěrak wopisowaše niwow hrow jako jara wysoki, tež w pózdnjej hodźinje sej mustwa ničo njedarichu. Tola nócny wolejbul njeje jenož wolejbulistam witana móžnosć so zetkać. Něhdźe 80 přihladowarjow so w sportowej hali zhromadźi, zo bychu so při piwje a sporće rozmołwjeli. Tež mały imbis měješe Pawk za hłódnych hosći a sportowcow spřihotowany.

wozjewjene w: Sport
Prošu přizjewće so, chceće-li komentar podać

Serbska debata

nowostki LND