Dźewjeć jutrownych jejkow dóstali

štwórtk, 08. apryla 2021
artikl hódnoćić
(0 )
Hrajna scena z hry Běłowodźanskich lodohokejowych liškow přećiwo ESV Kaufbeuren. Za hosćićela bě to hotowy debakl. Wo puk wojuja Alexander Thiel (nalěwo, 47, Kaufbeuren), Maximilian Meier (wrotar, 30, Kaufbeuren) a Thomas Reichel (naprawo, 23, Běła Woda) Foto: Thomas Heide Hrajna scena z hry Běłowodźanskich lodohokejowych liškow přećiwo ESV Kaufbeuren. Za hosćićela bě to hotowy debakl. Wo puk wojuja Alexander Thiel (nalěwo, 47, Kaufbeuren), Maximilian Meier (wrotar, 30, Kaufbeuren) a Thomas Reichel (naprawo, 23, Běła Woda) Foto: Thomas Heide

Łužiske liški Běła Woda – ­ESV Kaufbeuren 5:9 (0:3, 1:1, 4:5)

Po tym zo Łužiske liški hižo playoffs docpěć njemóža, tež motiwacija w poslednich hrach sezony zawěsće pobrachuje. Zestupić wšak lětsa tež wjac njemóža. Jutry­ sobotu pak dachu so wot hosća z Kaufbeurena tak prawje přebić. To paradoksne při tym bě, zo dóstachu sej Kaufbeurenčenjo hakle štwórtk w Kasselu z 3:10 na měcu, dwaj dnjej pozdźišo swjećachu sami tajke kanterowe dobyće. Eric Steffen, wrotar z Běłeje Wody, bě na bo­ku domjacych hišće najlěpši muž. Z tym je hladajo na wukon Hornjołužičanow wšitko prajene. Kapitan Brad Ross njediscipliny w zašłej hrě dla zaso raz pobrachowaše, wot njeho přewza Andrew Clark wulke „C“ za kapitana.

wozjewjene w: Sport
Prošu přizjewće so, chceće-li komentar podać

Serbska debata

nowostki LND