Prěnju sadźbu dobyli, dalšej přěhrali

štwórtk, 07. apryla 2022
artikl hódnoćić
(0 )
Wolejbulisća Sokoła Budyšin mócnje wo kóždy bul wojowachu. Prěnju sadźbu móžachu hišće dobyć, dalšej pak wotedachu.  Foto: Jörg Stephan Wolejbulisća Sokoła Budyšin mócnje wo kóždy bul wojowachu. Prěnju sadźbu móžachu hišće dobyć, dalšej pak wotedachu. Foto: Jörg Stephan

Sokoł Budyšin – ST Hnašecy/ Dobruša 1:2 (25:21, 13:25, 11:15)

Za Sokoł hrajachu: Bosćij Benada, Tomaš Suchy, Štefan Cuška, Jan Kanngießer, Robert Krawc a Florian Kaulfürst

Na šestym hrajnym dnju wokrjesneje klasy wuchod běštej so jenož dwě hrě wuhrałoj. W domjacej hali na Kamjentnej witachu hrajerjo Sokoła Budyšin wolejbulowej teamaj z Hnašec a Wjazońcy. Sokoł Budyšin duelěrowaše so ze Sportowym towarstwom Hnašecy/Dobruša.

Prěnju sadźbu hrajachu česćelakomnje z wěstosću w nadběhach a pólnym škiće. Blok steješe sylnje přećiwo młodym nadběhowarjam přećiwnika. Zjednoćenstwo z Hnašec a Dobruše pak pokaza­, zo je zahraty a derje wukubłany cyłk z młodymi a nazhonitymi hrajerjemi. Hra žołmješe so tam a sem. Na kóncu doby Sokoł prěnju sadźbu z 25:21.

W druhej sadźbje so w rjadach ho­sćićela naraz mało hromadźe hodźeše. Sokoł Budyšin na to kontrolu w hrě dospołnje zhubi. Druhu sadźbu přěhrachu z 13:25. W tiebrieku so wukon Budyskeho mustwa zaso polěpši, ale njedosahaše wjace za dobyće. Třeću sadźbu přěhrachu znowa, a to z 11:15.

wozjewjene w: Sport
Prošu přizjewće so, chceće-li komentar podać

Serbska debata

nowostki LND