Portugalska a Brazilska we wosmifinalu

wutora, 29. nowembera 2022
artikl hódnoćić
(0 )
Kamerunjan Eric Maxim Choupo-Moting bě wčera jedyn z wusahowacych hrajerjow přećiwo Serbiskej.  Foto: pa/AP/Frank Augstein Kamerunjan Eric Maxim Choupo-Moting bě wčera jedyn z wusahowacych hrajerjow přećiwo Serbiskej. Foto: pa/AP/Frank Augstein

Wšitke mustwa su mjeztym swoju druhu hru swětowych mišterstwow dohrali. Portugalska wubranka wokoło superstara Cristiana Ronalda je po suwerenym dobyću 2:0 nětko hižo wěsće koło dale. Přećiwo Uruguayjej běše Bruno Fernandes z dwojimi wrotami hrajer hry. W druhej partiji skupiny H přewiny Ghana Južnu Koreju z 3:2. Ghanačenjo wotedachu nawjedowanje z 2:0, móžachu pak na kóncu přiwšěm wyskać. 23 mjeńšin pluskotaše partija bjez wyšinow, potom nawjedowaše Ghana přez Mohammeda Salisu. Hišće do přestawki docpěchu woni dalše wrota. Znowa přińdźe přihrawka wot Ayewa, tónraz pak bě to Mohammed Kudus, kiž bul z hłowu we wrotach Južnokorejčanow zaměstni (34.). Cho Gue-Sung pak po přestawce skrótši (58.). A bu hišće lěpje za Koreju. Znowa bě to Cho Gue-Sung, kiž da fanow swojeho kraja wyskać. Flanku z lěweje strony zhłójčkowa nadběhowar do saka (61.). Partija bě zaso wurunana. Tola Mohammed Kudus Ghanu krótko po tym hišće k triumfej 3:2 třěli. W zakónčacej skupinskej hrě přećiwo Uruguayjej móže Ghana nětko ze swójskeje mocy wosmifinale docpěć.

wozjewjene w: Sport
Prošu přizjewće so, chceće-li komentar podać

Serbska debata

nowostki LND