SJ Njebjelčicy – LSV Hory 3:2 (2:0)

Zestawa domjacych: Nico Hahn – Gabriel Čornak (65. Andre Reinecke), Christoph Pawlik, Marvin Reinecke (45. Robert Lejnart), Józef Matješk (45. Dennis Wagner), Florian Domš, Handrij Korjeńk, Jakub Šołta, Clemens Reinelt, Oliver Domš, Ronny Hanuza

Po domjacym wuspěchu zašłeho tydźenja dźěše mustwo z wjele sebjewědomjom do jara ćežkeje hry. LSV Hory běchu z hosćom. Druhi tabulki móžeše sej naposledk přećiwo načolnikej z Hlinowca dypk wuwojować. Nimo toho je wón za swoju sylnu ofensiwu znaty. Z jara defensiwnej taktiku a jenož jednotliwymi nadběhami doprědka chcychu hrajerjo SJN njedźelu k wuspěchej přińć.

W prěnim połčasu so plan trenarja Daniela Ričela połnje zešlachći. Zady steješe SJN wěsće a da spěšnej nadběhowej kopańcy hosći lědma městno. Ofensiwnje móžachu drje sej jenož mało šansow nadźěłać, ale tute buchu wužite. Tak trjechi Marvin Reinecke po wólnym kopje Gabriela Čornaka k 1:0 (6.). Pohonjowani wot zažneho nawjedowanja čerwjene košle dale z ćěłom a dušu zakitowachu.