Awtor dźensa
Elias Bětka
Je zaso čas wubědźowanja Tour de France. Hdyž pak sej kolena, bjedra, ramjenja abo ruce profikolesowarjow wobhladuješ, widźiš přeco zaso błuzny, čerstwe wobodrjeńcy a zawobalenja.
Zahajenski tydźeń Tour de France 2025 je zaso raz na strachi pokazał, kotrež su z kolesowanskim wubědźowanjom na najwyšim niwowje zwjazane. Wosom sportowcow je hižo wubědźowanje wopušćić dyrbjało, dokelž su padnyli abo ćežko so zranili. Mjez nimi je tež něhdyši nošer zeleneho trikota Jasper Philipssen. Wot tych, kotřiž dale w pelotonje wostanu, steja mnozy zranjeni před přichodnej etapu při startowej liniji. Portugalčan João Almeida na přikład po swojim njezbožu na sedmej etapje ze złamanym rjebłom dale sobu jědźe. Tura je tura a „The show must go on!“.
