ST Porchow –

ST Marijina hwězda 2:1 (1:1)

Zestawa hosći: O. Schmidt – Wróbl, Zelnak­, R. Hawš, R. Cyž, Ch. Cyž, O. Hawš (61. Pi. Lugge), Pjetaš, Pa. Lugge (73. Fischer), Jurš (46. P. Schmidt), Pakoßnick (46. Eldor)

K zazběhej noweje hrajneje doby we wo­krjesnej wyšej lize nastupichu kopa­rjo Marijineje hwězdy pjatk wječor pola­ susoda w Porchowje. Běše to zdobom tež zazběhowa partija noweje se­zony 2021/2022 Zapadołužiskeho ko­parskeho zwjazka. Trenar Bodo Pjetaš mó­žeše nimale z połneho čerpać. Jenož Falko­ Peschmann (zranjenje) a Jakobus Kurink (studij) jemu pobrachowaštaj. Nimo­ toho měješe pak wón tež nowo­přichadaj w Pančičanskich rjadach k dispozi­ciji. Staj to w Budyšinje bydlacy Tom Fischer­, kotryž hraješe dotal­ pola ST Traktor Reinhardtsdorf, a Mehmet-Deniz Celik. Poslednja stacija Kamjenčana bě ST Fortuna Trjebin.

To bě jenož wěc někotrych hodźinow. Najprjedy buchu fotografojo k obliga­toriskemu terminej prošeni, zo bychu mustwowy wobraz a portrety hrajerjow zhotowili. Někotre hodźiny pozdźišo wozjewi FC Energija Choćebuz angažement noweho hrajerja za ofensiwu.

Nikos Zografakis rěka 22lětny, kiž dyrbi starosće w nadběhu FC Energije Choćebuz pomjeńšić. Grjekski allrounder hraješe w hrajnej dobje 2021/2022 w druhim mustwje VfB Stuttgart a změni w zymje k druhemu ligistej SV Sandhausen. „Wón zamóže z lěwej a prawej nohu třěleć, je spěšny a trikapołny. Runje to smy pytali. Naposledk bě wón pola SV Sandhausena. Tam drje njeměješe žanu hrajnu praksu, je pak w 2. zwjazkowej lize­ na najwyšim niwowje trenował. Smy wo tym přeswědčeni, zo móže wón na­šemu cyłkej w ofensiwje dale pomhać“, tak sportowy nawoda FCE Maximilian Zimmer.

Kopańca, regionalna liga muži

Halberstadt – Rathenow  2:0 (1:0)

Eilenburg – Carl Zeiss Jena  1:3 (1:1)

Babelsberg – Chemija Lipsk  0:2 (0:1)

Tasmania Berlin – Luckenwalde  0:4 (0:1)

Choćebuz – Auerbach  5:0 (2:0)

Altglienicke – Fürstenwalde  3:3 (0:2)

Lichtenberg – Hertha BSC II  0:0 (0:0)

Kamjeničanski FC – Berlinski AK  0:0 (0:0)

Meuselwitz – BFC Dynamo  2:3 (1:1)

1. FSV 63 Luckenwalde 5 14 :2  13

2. Berlinski AK 5 10 :2  13

3. BFC Dynamo 4 11 :4  12

4. Kamjeničanski FC 5 8 :4  10

5. BSG Chemija Lipsk 5 7 :4  10

6. Germania Halberstadt 4 8 :5  9

7. VSG Altglienicke 4 9 :6  8

8. FC Energija Choćebuz 4 8 :3  7

9. SV Babelsberg 4 3 :5  6

10. Hertha BSC II 4 2 :5  5

11. SV Tasmania Berlin 5 4 :8  5

12. Lok Lipsk 3 4 :4  4

12. FC Carl Zeiss Jena 4 4 :4  4

14. Union Fürstenwalde 5 9 :13  4

15. Tennis Borussia Berlin 3 4 :6  3

16. ZFC Meuselwitz 5 5 :9  3

17. SV Lichtenberg 47 5 2 :6  2

18. FC Eilenburg 5 3 :8  2

19. Optik Rathenow 5 2 :8  2

20. VfB Auerbach 4 4 :15  0

Sokoł Ralbicy/Hórki – HZ Łaz/Běły Chołmc 2:1 (1:1)

Zestawa domjacych: Schöne – M. Matka, Schultz, Wałda, Šewc, Rachela, Gloxyn (90. G. Kurjat), B. Bejma, Šołta (90. Materna), Nuk (79. Kř. Matka), Šiman (68. Kř. Bejmak)

Při tužnych temperaturach wokoło 30 stopnjow celsiusa zetkaštej so wobě mustwje wčera, njedźelu, po nimale jednolětnej přestawce k dypkowej hrě. Přećiwo Hrajnemu zjednoćenstwu Łaz/Běły Chołmc běchu Sokoljo hakle jónu w pokalu hrali, a to před dwěmaj lětomaj. Tehdom po třělenju jědnatkow přěhrachu. Hosćo běchu so w minjenych mě­sacach chětro zesylnili. A tak warnowaše Ralbičanski trenar Chrystof Gloxyn swojich chowancow wosebje před agilnej a spěšnej ofensiwu.