Samo najlěpše šansy njewužiwali
ST Marijina hwězda – ST Wulka Dubrawa 1:1 (1:0)
Zestawa domjacych: Matik – Wróbl, Škoda, K. Pakoßnick, Jurš, Winkler, Kuring, Hawš, Schmidt (38. Lipič), Eldor (85. Čornak), J. Pakoßnick
Po tym zo bě hra w Rakecach wupadnyła, chcychu chowancy koparskeho trenarja ST Marijineje hwězdy Erwina Kleinmanna doma přećiwo mustwu z Wulkeje Dubrawy połnje dypkować. Wšako běchu w prěnjej hrě we Wulkej Dubrawje z 2:4 podleželi. Zo steješe na kóncu pod smužku jenož remis, zaležeše na prěnim połčasu, w kotrymž bě wužiwanje šansow katastrofalne. Wosebje Jakob Pakoßnick, najwuspěšniši třělc wokrjesneje ligi stafle dwaj njemóžeše kopicu dobrych móžnosćow k wrotam přetworić. Hakle w 24. min. padny skónčnje 1:0 za domjacych. Z dwójnej přihrawku přesadźištaj so Jakobus Kuring a Paul Schmidt w srjedźnym polu. Schmidt bě Pakoßnicka pósłał, a tón składnosć wuži. Dalše wrota za hosćićela běchu nětko jenož hišće prašenje časa. Najlěpše šansy (30., 35., 39.) pak wuwostaji. Wo wulke hłowuwiće postara so krótko do połčasa hišće raz Pakoßnick, kiž je bul ze šěsć metrow nimo prózdnych wrotow třělił.
Widźał, słyšał, napisał (03.04.18)
Awtor dźensa
Tomaš Faska
Kóžde serbske sportnišćo ma swoje wosebitosće. Tež kóždy mjeńši abo wjetši koparski stadion je na swoje wašnje jónkrótny – hač w Ralbicach, Chrósćicach abo druhdźe. Wšudźe pak je trawnik zeleny, smužki su běłe, a na woběmaj kóncomaj hrajnišća steja wrota. Te su dźensa tež wšudźe ze samsneho materiala, z metala – a to přewažnje z aluminija. Něhdy wšak běchu pobóčnej žerdźi a prěčna łata koparskich wrotow z drjewa. Ja sam sym tajke hišće zeznał. A sprawnje prajene, hustodosć jako wrotar mjez žerdźomaj stejo mějach před tajkim drjewjanym kolosom mjenje respekta hač pozdźišo před železnymi wrotami. Štóž je, za bulom skakajo, hižo raz ćělny kontakt z njepowalnym ćělesom měł, wě, wo čim rěču.
Ale, što rěka njepowalny? Z tej kajkosću bě to pola drjewjanych wrotow druhdy chětro łoskoćiwa wěc. A hižo sym při temje swojeje dźensnišeje kolumny. Wjerću koło časow zaso raz wróćo a hladam na 3. apryl 1971. Třeći dźeń jutrownika před 47 lětami směmy mjenujcy historiski datum mjenować – štož postajenje materiala wrotow za kopanišća nastupa.
Wuslědki (03.04.18)
Kopańca, regionalna liga mužow
Budissa Budyšin – Hertha BSC II 0:0 (0:0)
Chemija Lipsk – Halberstadt 0:3 (0:0)
Altglienicke – Luckenwalde 2:0 (1:0)
Neugersdorf – Fürstenwalde 0:1 (0:0)
Neustrelitz – Babelsberg 03 0:2 (0:2)
Auerbach – Berlinski AK 0:3 (0:0)
Meuselwitz – BFC Dynamo 2:1 (1:1)
Energija Choćebuz – Lok Lipsk 2:0 (1:0)
čoło tabulki
1. Energija Choćebuz 25 58 : 10 64
2. BFC Dynamo 23 55 : 26 46
3. Berlinski AK 26 44 : 36 41
4. Nordhausen 22 33 : 15 38
5. Lok Lipsk 23 28 : 19 38
6. Hertha BSC II 25 39 : 31 37
7. Halberstadt 23 43 : 35 35
8. Meuselwitz 25 34 : 30 35
9. Fürstenwalde 23 38 : 35 34
10. Babelsberg 03 22 32 : 23 33
11. FC Viktoria Berlin 25 39 : 39 33
12. Budissa Budyšin 25 20 : 32 27
wokrjesna liga stafla II
Haselbachtal – Nowe Město II 0:4 (0:1)
Němske Pazlicy – Lubuš 2:1 (0:0)
HZ Łaz/Běły Chołmc – Rakecy II 3:0 (1:0)
1. Natw. Němske Pazlicy 20 66 : 16 50
2. ST Marijina hwězda 20 51 : 22 39
3. ST Lubuš 20 47 : 31 38
4. SV Haselbachtal 18 56 : 28 37
5. HZ Łaz/Běły Chołmc 18 39 : 22 35
6. SJ Njebjelčicy 19 35 : 32 30
7. FSV Łuty 20 43 : 45 30
8. ST Wulka Dubrawa 20 43 : 46 30
9. Wojerowski FC II 20 39 : 38 27
10. Nowe Město II 19 36 : 39 27
11. ST Ćisk II 20 33 : 43 22
12. Rakečanske ST II 19 23 : 45 20
13. Nadrózna Hrabowka 20 35 : 52 19
14. HZ Wulke Ždźary 20 24 : 39 18
15. Zeleno-běli Sepicy 20 19 : 48 13
16. SJ Chrósćicy II 19 23 : 66 11
Sport (29.03.18)
Hižo tójšto přizjewjenjow
Sobotu, 31. měrca, přewjedu so mjeztym hižo 41. Biskopičanske běhi na dlěše distancy. Jednotliwe hłowne wurisanja su po tradiciji 5,1 kaž tež 10,2 a 20,3 km. Předšulske dźěći a młódši šulerjo wubědźuja so na distancomaj 0,8 km. Start a cil stej při Biskopičanskim stadionje. Po swojim wašnju je wubědźowanje sobu najstarše w Sakskej, kotrež měješe z nimale 700 starterami 1989 swój dotalny rekord. W 14 hodź. so běhi započnu, kotrež hódnoća so mjez druhim za rjadnu lisćinu Wopačanski cup běharjow. Zarjadowar je Biskopičanske sportowe zjednoćenstwo TV 1848 wokoło firmy Baer-Service z jeje spušćomnymi pomocnikami.
Wotběhanje jutrownych jejkow
Natwar Němske Pazlicy přeproša swójby, sportowče a sportowcow na nětko hižo tradicionalne wotběhanje jutrownych jejkow, a to jutry póndźelu. Loni bě so při dešću 180 ludźi wobdźěliło. Pjeć kilometrow dołhe koło je za kóždeho zmištrujomne, wšako ma čara chětro płony profil. Start budźe w 10 hodź.
Kónctydźenska kopańca
29.03. 19:00 ST Radwor –
Drohotka Ramnow
31.03. 13:30 Budissa Budyšin –
Hertha BSC II
31.03. 14:00 Jednota Kamjenc –
VfB 1921 Kśišow
31.03. 14:00 Natwar Němske Pazlicy –
ST Lubuš
Hosćićeljo partiju dominowali
Natwar Němske Pazlicy
– SJ Chrósćicy II 5:0 (3:0)
Zestawa hosći: Matješk – Dórnik, Mark, Wowčer, Pjetaš (62. Mohaupt), Klimant, Bětnar, Donat, C. Šmit, Liznar, D. Šmit
Na rezerwu koparjow Chróšćanskeje SJ čakaše zašły kónc tydźenja jara ćežki nadawk přećiwo Natwarej Němske Pazlicy. Aktualny načolnik wokrjesneje ligi, stafle II pak njemóžeše hru na domjacym trawniku přewjesć, wšako bě zymske wjedro minjeneho tydźenja tež tu škody zawostajiło. Sudnik zahwizda partiju na kumštnym trawniku w Kamjencu.
W spočatnej fazy hry so Chróšćanam poradźi přećiwniske nadběhi hižo w srjedźnym polu wotwobarać. Wočiwidnje technisce lěpši domjacy pak so dale a bóle stopnjowachu a tak po wólnym kopje nawjedowachu (30.). Poprawom derje fungowacy cyłk hosći bě nětko ze stajnymi nadběhami přećiwnika zdźěla tróšku přežadany a hišće hač do přestawki dalše dwoje wrota poćerpje.
Wuslědki (28.03.18)
Kopańca, wokrjesna liga, stafla I
Połčnica – Großröhrsdorf II 2:1 (1:0)
Wjernarjecy – Huska5:1 (3:0)
Załom – Großharthau 3:1 (3:0)
Bud. Budyšink – Germ. Budyšin II1:1 (1:0)
Wachau – Bretnig-Hauswalde 0:1 (0:1)
Ottendorf-Okrilla – Horni kraj II1:3 (0:2)
Porchow – Malešecy1:1 (0:0)
čoło tabulki
1. TSV Połčnica 20 80 : 21 53
2. ST Porchow 20 45 : 18 44
3. Traktor Malešecy 19 50 : 25 42
4. Concordia Załom 18 38 : 25 37
5. TSV Wjernarjecy 19 49 : 31 36
6. TSV Wachau 18 37 : 12 35
7. SC Großröhrsdorf II 20 37 : 22 27
8. Horni kraj-Sprjewja II 18 48 : 36 25
wokrjesna liga, stafla II
Wojerowski FC II – Nowe Město II2:3 (1:2)
Łaz/Běły Chołmc – Njebjelčicy wupad
Lubuš – Rakecy II 5:0 (1:0)
Wulke Ždźary – Nadr. Hrabowka 0:1 (0:1)
Marijina hwězda – Wulka Dubr. 1:1 (1:0)
Łuty – Ćisk II3:4 (2:1)
Němske Pazlicy – Chrósćicy II 5:0 (3:0)
Haselbachtal – Sepicy 4:1 (1:1)
1. Natwar Němske Pazlicy 19 64 : 15 47
2. ST Marijina hwězda 20 51 : 22 39
3. ST Lubuš 19 46 : 29 38
4. SV Haselbachtal 17 56 : 24 37
5. HZ Łaz/Běły Chołmc 17 36 : 22 32
6. SJ Njebjelčicy 19 35 : 32 30
7. FSV Łuty 20 43 : 45 30
8. ST Wulka Dubrawa 20 43 : 46 30
9. Wojerowski FC II 20 39 : 38 27
10. Nowe Město II 18 32 : 39 24
11. ST Ćisk II 20 33 : 43 22
12. Rakečanske ST II 18 23 : 42 20
13. ST Nadrózna Hrab. 20 35 : 52 19
14. HZ Wulke Ždźary 20 24 : 39 18
15. Zeleno-běli Sepicy 20 19 : 48 13
16. SJ Chrósćicy II 19 23 : 66 11
wokrjesna klasa, stafla I
ST Budyšin II – Hnašecy-Dobr. II5:2 (2:1)
Njeswačidło – Bart1:2 (0:2)
Mały Wjelkow – Mały Wosyk 0:3 (0:2)
HZ Minakał/Wulka Dubrawa/Radwor – Hodźij1:9 (1:2)
1. ST Mały Wosyk 13 40 : 17 31
2. ST Budyšin II 12 47 : 17 30
3. ST Bart 12 31 : 17 25
4. Módro-běli Njesw. 12 29 : 19 20
Z njezwučenej zestawu k dobyću
ST Hnašecy/Dobruša – Sokoł Ralbicy/Hórki 0:1 (0:0)
Zestawa hosći: Ch. Gloxyn – Kř. Matka (58. S. Bjeńš), Zynda, Šewc, Bogusz, Kobalc (46. B. Bejma), Strelow, Domaška (76. Wałda), Janca, Kurjat, Materna
Koparjo Sokoła Ralbicy/Hórki nastupichu sobotu na twjerdym hrajnišću w Dobruši z chětro njezwučenej zestawu, dokelž trenarjej Jiříjej Krohmerej kopica hrajerjow pobrachowaše. Znowa dyrbješe na přikład André Strelow wupomhać, Markus Kobalc hraješe prěni raz wot spočatka sobu a Syman Bogusz, hewak w Lipsku hrajacy, je delanskim akteram w škiće wupomhał. W nadběhu dyrbješe so Robert Materna, poprawom škitar Sokoła, wo njeměr starać. Po dołhim času sedźeše tež zaso Antonius Wałda na ławce.
Dypk spušćili a Polívka zranjeny
KT Drježdźany 06-Laubegast
– SJ Chrósćicy 1:0 (0:0)
Zestawa hosći: Stein – Šiman, Hrdlitschka, Sentivan, M. Zahrodnik, Henčl, Runt, G. Zahrodnik, Polívka (80. L. Zahrodnik), Młynk (75. Bogusz), Němec
Koparjo Chróšćanskeje SJ nastupichu tydźenja w Drježdźanach-Laubegasće přećiwo třećemu tabulki. To njebě runjewon lochki nadawk. Domjacy běchu wot započatka dominantniše mustwo na hrajnišću, při čimž pak sej wulke, bytostne móžnosće wuhrać njemóžachu. Kaž hižo přećiwo načolnikej tabulki FSV Oderwitzej chcychu Chróšćenjo z wěsteje defensiwy kontery doprědka startować. To pak so jim w prěnim połčasu husto njeporadźi. Spěšni a technisce dobri hosćićeljo stajachu defensiwu SJC přeco zaso před problemy. Tola hosćo stejachu wěsće a dźeržachu nulu.
Sprawny njerozsudny wuslědk
FSV Budissa Budyšin
– ZFC Meuselwitz 1:1 (0:1)
Zestawa domjacych: Ebersbach – Kunze, Hausdorf, Hoßmang, Mack, Krawčik (46. Müller), Pfanne, Weiß (68. Kloß), Milde, Schmidt, Gehrmann (80. Heppner)
Nachwatansku hru w regionalnej lize mjez Budissu Budyšin a ZFC Meuselwitzom přewjedźechu koparjo pod swětłomjetakami na Młynkec łuce. Před 227 přihladowarjemi chcyše sej Budissa na kóždy pad wšitke dypki doma zdźeržeć. Započa tuž koncentrowana a měješe tež hnydom prěnju šansu přez Maxa Gehrmanna, kiž bě w prěnjej hrě w Meuselwitzu dobyćerske wrota třělił. Třělwa ze zdalenosće dwanaće metrow pak dźěše snadnje nimo wrotow (1.). Wrota k 0:1 pak poradźichu so něhdyšemu hrajerjej Budissy Dennyjej Kralej (18.). Domjacy chcychu nětko spěšnje wurunać, štož pak so jim njeporadźi.
Delanscy kehelerjo sezonu z dobyćom zakónčili
Kónčna tabulka
1. KSV Łuty II 10 14 :6
2. KSV Wojerecy 10 10 :10
3. KSV Medingen II 10 10 :10
4. Sokoł Ralbicy/Hórki 10 10 :10
5. Wozydłownistwo Kamjenc 10 8 :12
6. ST Porchow II 10 8 :12
Znowa přeswědčili su kehelerjo Sokoła Ralbicy/Hórki w poslednjej partiji hrajneje doby 2017/2018. Přećiwo ST Porchowej II dobychu woni jasnje z 2 449 k 2 291 drjewami. Jako prěnjej dźěštaj Gisbert Šiman a Tobias Mikławšk na čaru. Šiman spowala 400 drjewow, Mikławšk 429. Přećiwnikaj běštaj tohorunja w dobrej formje, tak zo wuwojowaštaj sej Sokołaj jenož plus šěsć kehelow. Handrij Hejduška a Michał Mark (wobaj Ralbicy) pak běštaj wo klasu lěpšej hač Porchowčanaj. Hejduška spowala 407 a Mark 413 kehelow. Swojimaj kontrahentomaj wotewzaštaj tak 138 dypkow. Jurij Šiman a Roberto Wjenk dźěštaj tuž ze změrowacym předskokom 144 drjewow do poslednjeho koła. Šiman nakula 423 a Wjenk 377 kehelow. Tež wonaj běštaj wo 14 drjewow lěpšej hač přećiwniska dwójka. Delanscy hrajerjo ze suwerenym předskokom 158 kehelow dobychu a steja skónčnje z 10:10 dypkami na 4. městnje tabulki.
