Playoff-hry w DEL 2 běža

wutora, 11. meje 2021
artikl hódnoćić
(0 )
Philip Kuschel je z Łužiskimi lodohokejowymi liškami zrěčenje wo dalše lěto podlěšił.  Foto: Thomas Heide Philip Kuschel je z Łužiskimi lodohokejowymi liškami zrěčenje wo dalše lěto podlěšił. Foto: Thomas Heide

Cyle spěšnje po dočasnym kóncu w 2. zwjazkowej lize lodohokeja (DEL 2) přewjedźechu hižo štwórćfinalne hry za postup do primarneje etaže lodo­hokeja. Łužiske liški z Běłeje Wody a Drjež­dźanske lawy maja hižo přestawku, wšako jeju sezona přewuspěšna njebě. Tež třeće mustwo ze Sakskeje, Lodowi piraća z Crimmitschauwa, je playoff-hry snadnje misnyło.

Wulki faworit na postup a zdobom lětuši mišter, mustwo Kassel Huskies, měješe w štwórćfinalu mało ćežow z Heilbronnskimi Sokołami. Tři hry přećiwo nim je cyle spěšnje dobył (6:4, 8:2, 9:6) a sej tak prěni tiket za połfinale zawěsćił. Tamne tři duele běchu snadniše. Cyłk Towerstars Ravensburg přesadźi so z 3:1 přećiwo Tölzskim lawam. Prěnju hru Towerstary hišće ze 3:6 přěhrachu, po tym běchu­ dwójce w podlěšenju wuspěšni (3:2 a 2:1). Wšo rozsudźaca hra bě tohorunja jara napjata a skónči so 5:4 na dobro Ravensburga.

wozjewjene w: Sport
Prošu přizjewće so, chceće-li komentar podać

Serbska debata

nowostki LND