Wuslědki (16.07.24)

wutora, 16. julija 2024 spisane wot:

Koparske wuslědki dorosta

Hižo wčera su so na sportowej stronje prěnje zakónčace tabulki sezony 22023/2024 koparskeho dorosta w teritoriju Zapadołužiskeho koparskeho zwjazka wozjewili. Skrótšenka JFV ONFA woznamjenja Wuchodosakska dorostowa koparska akademija.

Młodźina C wokrjesna liga stafla II

1. SC 1911 Großröhrsdorf  1 8 181:11 52

2. HZ Bretnig-Hauswalde  1 8 80:15 44

3. FV Ottendorf-Okrilla I   18 108:24 42

4. ST Porchow   18 63:49 29

5. ST Kinspork/Łužnica   18 74:54 28

6. Arnsdorfske KT   18 59:100 24

7. HZ Großnaundorf   18 47:63 15

8. HZ Postup Großharthau   18 23:86 11

9. JFV ONFA II 18 24:170 10

10. ST Liegau-Augustusbad   18 20:107 9

Młodźina C wokrjesna liga stafla III

1. JFV ONFA I   15 97:11 42

2. HZ Ćisk   16 85:13 40

3. Sokoł Ralbicy/Hórki   16 49:41 31

4. HZ Łuty   16 49:44 26

5. HZ ST Połčnica   16 27:45 18

6. HZ Lubuš/Hory   16 39:60 15

7. HZ Łužica   15 32:38 12

8. Rakečanske ST   16 43:83 11

9. Zeleno-běli Sepicy   16 30:116 8

Młodźina D wokrjesna wyša liga

1. ST Horni kraj Sprjewja I   20 85:21 44

2. Wojerowski FC   20 85:35 43

3. Módro-běli Kulow   20 57:32 42

4. HZ Ćisk   20 75:40 40

5. Sokoł Ralbicy/Hórki  20 51:45 30

6. Zeleno-běli Bukecy   20 44:53 29

7. ST Porchow   20 45:51 25

8. FSV Bretnig-Hauswalde   20 55:60 23

9. ST Liegau-Augustusbad   20 55:76 21

10. HZ Póst Ger. Budyšin   20 49:99 19

11. FV Ottendorf-Okrilla I   20 20:109 4

Młodźina D wokrjesna liga stafla I

1. ST Wulka Dubrawa   9 85:6 25

2. ST Horni kraj Sprjewja II   9 64:14 21

3. SV Radibor   9 48:24 19

4. SZ Wjelećin   9 32:17 18

5. TSV Wjernarjecy   9 58:25 15

6. Motor Kumwałd   9 51:31 15

Beachtura wčera z nowostku

wutora, 16. julija 2024 spisane wot:

Jaseńca (jp/SN). Nowostku dožiwichu wobdźělnicy beachtury Radija Satkule na druhej staciji wčera w Jaseńcy. Tam njeje so tutón raz tamniši młodźinski klub wo derjeměće starało, ale přichodni maturanća Serbskeho gymnazija. Woni su dotal prěni, kotřiž su wulku zamołwitosć na so wzali a zastaranje zaručili. Hižo loni chcyše so tehdyši 12. lětnik wo staciju w Jaseńcy starać. Wšelakich přičin dla pak dyrbjachu to zaso wotprajić. Dwanatkarjo běchu to derje zdokonjeli. Poskićene kołbaski a pomfritki, piwo, chłódne napoje a bowla su wšitkim słodźeli. „To wšitko smy jara derje předawali. Smy spokojom z wječorom“, wjeseleše so organizatorka Celina Knopec z Kozarc po zdokonjanym dźěle na kromje turněra.

Něhdźe 300 přihladowarjow sćěhowaše na hrajnej runinje fairny turněr z někotrymi napjatymi bojemi. W finalu hraješe Wotrowska młodźina přećiwo mustwu „Pampuchi“, štož běchu něhdyši šulerjo­ 10. lětnika Worklečanskeje wyšeje šule. Hra traješe hač k 21. dypkej, na kóncu so „Pampuchi“ přesadźichu.

Přichodna hosćićelska wjes beachtury je Róžant. (Čitajće tež na stronje 3.)

Něhdźe 300 ludźi je wčera wječor do Jaseńcy na druhu staciju bičwolejbuloweje tury Radija Satkule přichwatało. 17 mustwow, to bě 3 mjenje, hač tydźenja w Ralbicach, je so tam při wjesnym zetkanišću, tak mjenowanej „Bjesadźe“, wubědźowało. Za to běchu zarjadowarjo turněra, dwanatki Serbskeho gymnazija, nimo hrajnišća w pěsku dalše na trawniku spřihotowali. Dobyło je na kóncu mustwo „Pampuchi“, štož su Bobkec hólcy a přećeljo, přećiwo Wotrowskemu cyłkej „17.12“. Foto: Konstantin Hrjehor

ST Radwor –

ST Drohotka Ramnow 1:4 (1:1)

Zestawa domjacych: Ch. Šěrak, Matik – Wjesela, Omran, M. Grubert, Paška, Wróbl, Šnajder, Glücklich, Mička, Wjacławk, C. Dźisławk, Nuk, Hetaš, Šefer, Dej, Schöne

Prěnja přihotowanska hra za Radworskich koparjow přewjedźe so přećiwo znatemu přećiwnikej z wokrjesneje wyšeje ligi. Winowatostnej partiji přěhrachu hosćićeljo minjenu hrajnu dobu jónu 0:6 a wróćohru 2:3. Porno zašłej sezonje chcedźa Radworscy koparjo nětko trochu ofensiwnišo agěrować a z hinašej formaciju wrota přećiwnika nadběhować.

Poradźeny test k zazběhej

wutora, 16. julija 2024 spisane wot:

Hlinowske ST –

Sokoł Ralbicy/Hórki 0:4 (0:2)

Zestawa hosći: Schöne – Hantsch, Woko, Šnajder, Mikławšk, Hicka, Mjechela, Gloxyn, Schultz, Al. Wałda, B. Heidorn, L. Heidorn, Matka, Kral, Manuel Šołta, Bejmak, Rachela, Pius Šołta, Markus Šołta

Sokoljo trenuja hižo wot 5. pražnika zaso dwójce wob tydźeń. Minjenu njedźelu přewjedźechu prěnju testowu hru přećiwo lońšemu kontrahentej z wokrjesneje wyšeje ligi z Hlinowca. Hosćićel pak dyrbješe po jenož jednej sezonje zaso zestupić a hraje nětko zaso we wokrjesnej lize.

Trenar Christoph Gloxyn měješe kader z cyłkownje 19 hrajerjemi k dispoziciji, mjez nimi tež tójšto nowopřichadow. Tuž běše jasnje, zo dyrbješe so mustwo najprjedy namakać. W minjenych treningach bě mjenujcy prěnjotnje kondicija wažna. Hrajne formy pak bórze slěduja.

Kulowčenjo šansy nadźěłali a wužili

wutora, 16. julija 2024 spisane wot:

Módro-běli Kulow –

Přezjednota Niska II 5:1 (2:1)

Slěd wrotow: 1:0 Tiago Andre Gomes Santos Lorido (11.), 1:1 Georg Friebe (25.), 2:1 Lukas Koplanski (39.), 3:1 Lukas Koplanski (57.), 4:1 Marco Bulang (63.), 5:1 Johannes Wehlan (74.)

Tež prěnje koparske mustwo Módro-běłych Kulow, kotrež hraje klětu dale we wokrjesnej wyšej lize, je minjeny kónc tydźenja testowu hru přewjedło. Sportowy reporter Werner Müller je někotre měnjenja nazběrał:

Robin Paß: „Smy cyły tydźeń jara kruće trenowali a nětko steješe testowa hra na treningowym planje. Hižo po 11 hrajnych mjeńšinach smy prěnje wrota třělili, ale přińdźe tež poměrnje zahe k wurunanju. Po tym smy so dale a bóle do hry namakali a swoju dominancu pokazali. Cyłkownje skónči so hra ze zasłuženym 5:1. To bě wuspěšne zakónčenje treningoweho tydźenja.“

Lukas Koplanski: „Po napinacym prěnim treningowym tydźenju, smy suwerenu hru pokazali. Móžachmy sej ně­kotre šansy nadźěłać a tute tež wužić. Defensiwnje­ smy derje stali. Móžachmy tuž dobru prěnju testowu hru přewjesć.“

Španiska je štwórty króć europski koparski mišter. W finalu přesadźi so wubranka trenarja Luisa de la Fuente 2:1 přećiwo Jendźelskej. Nico Williams docpě nawjedowanje za španiski cyłk w Berlinskim olympiskim stadionje (47.) a Cole Palmer wuruna 1:1 (73.). Wo rozsud postara so zaměnjeny Mikel Oyarzabal (86.). Hižo 1964, 2008 a 2012 bě Španiska EM-titul dobyła a je nětko rekordny europski mišter před Němskej. Jendźelska porno tomu bě hižo před třomi lětami dramatisce w finalu EM na Italskej zwrěšćiła.

Ličba muslimow rozrostuje

póndźela, 15. julija 2024 spisane wot:

Hamburg (B/SN). Nabožina muslimow so na swěće najspěšnišo wupřestrěwa. W Indoneskej na přikład je wot 230 milionow wobydlerjow 90 procentow muslimskeho wěrywuznaća. Kaž pola druhich nabožinow mamy tež w islamje wšelake konfesije. Najznaćišej stej sku­pinje sunnitow a šiitow. Wobě złožujetej so na koran, ale z nabožnymi tekstami a tradicijemi rozdźělnje wob­chadźatej. Wot tuchwilu 1,6 miliardow muslimow po cyłym swěće je 85 do 90 procentow sunnitow.

Drasta muslimkow

Düsseldorf (B/SN). Mnohe muslimki wjazaja sej rubiško a so na rozdźělne wašnje woblěkaja: Hidšab woznamjenja, zo su włosy a šija z rubiškom wodźěte; tšador, zo je cyłe ćěło zwjetša z čornym šlewjerjom zawodźěte, ale mjezwočo je widźomne. Nikab rěka, zo stej cyłe ćěło a mjezwočo hač na woči zwjetša z čornym šatom a šlewjerjom wo­dźěte; a burka, zo je cyłe ćěło zwjetša z módrym šlewjerjom zakryte a před wočomaj ma žona přewidny płat, přez kotryž móže wona jenož runje won hladać.

Ewangelska cyrkej w Němskej

Sylny hrajerski wukon často bjez wrotow wostał

póndźela, 15. julija 2024 spisane wot:

Zjimanje hrajneje doby druheho mustwa Chróšćanskeje SJ

„Bě to sezona z wjele wyšinami, ale bohužel tež z tójšto nižinami“, tak zjima trenar rezerwy Chróšćanskeje sportoweje jednotki, Fabian Hejduška, zakónčenu hrajnu dobu 2023/2024 swojeho mustwa.

To wotbłyšćuje so hnydom w prěnich dźesać hrach. Z prěnich štyrjoch partijow wuwojowachu sej Chróšćenjo dźewjeć dypkow. Na to slědowachu šěsć hrow, w kotrychž dobyć njemóžachu. Tak steješe po dźesać hrach jeno mało ličakow na dypkowym konće.

Hejduška pak hrajne wuwiće swojich chowancow chwalobnje wuzběhny. Wotmysł bě hrajny stil měrneho natwara swójskeje hry wosebje přez sylnych młodych hrajerjow, kiž steja na prozy k prěnjemu mustwu towarstwa. Hra Chróšćanow bě často dobra. Tak wudoby sej druhe zastupnistwo w běhu sezony přećiwo wosom z jědnaće konkurentow wokrjesneje ligi znajmjeńša jedyn dypk, štož pokazuje na to, zo běchu Chróšćanscy husto znajmjeńša runohódny přećiwnik. Tola na kóncu hrajneje doby stejachu Chróšćenjo tohodla na wostrózbnjacym dwanatym městnje tabulki. Čehodla?

Widźał,słyšał, napisał (15.07.24)

póndźela, 15. julija 2024 spisane wot:
Awtor dźensa Beno Šołta

Skónčnje zaso lěsny marathon! 15. septembra běža serbscy sportowcy znowa po lěsach sewjernje Koćiny. Druhi raz organizuje tam wjesny klub z Koćiny a zdobom póstniska skupina Alf Layla sportowe wubědźowanje. Woni poskića marathon za wšěch, kiž chcedźa na dołhej distancy běhać. Ale tež połmarathon maja a runje tak dźesaćkilometrowski běh. Wulka lěpšina, kotraž rěči za tutón běh, je, zo sy cyły čas w lěsu po puću, sy škitany před słóncom a nimaš twjerdy asfalt. Hižo zašłe zarjadowanje před lětomaj bě derje organizowane. Rjana čara to bě, wokoło Komorowskich a Rakečanskich hatow. To maš dobry wuhlad garantowany, jeli maš chwile wokoło so hladać. A nimaš žane hórki, tak zo je cyła čara nimale runa, štož runje započatkarjam tyje. To by móhł być nowy domjacy běh serbskich sportowcow. Před lětami wšak běše tak, zo je so w nazymje stajnje w Radworju běhało. Tam sy kóždeho serbskeho běharja zetkał. Mjeztym w Radworju t. mj. crossowy běh wjac nimaja. Tola snano je lěsny marathon Koćinjanow to nowe zetkanišćo wšěch Serbowkow a Serbow, kiž sej rady běhanske črije šnóruja!

nowostki LND