Třeća poražka za sobu

wutora, 20. septembera 2022
artikl hódnoćić
(0 )
Před wrotami Ralbičanskich Sokołow bě so njedźelu w hrě přećiwo hosćom z Budyšina stajnje wjele stało. Hosćićeljo mějachu tuž tójšto dźěła, zo bychu wšo rjadowali. To pak so jim tam a sem njeporadźi, štož wjedźeše k třećej poražce za sobu. Přichodny kónc tydźenja Ralbičenjo žanu hru nimaja. Čas móhł tón abo tamny zranjeny Sokoł wužić, zo by so za dwě njedźeli zaso na hrajnišćo wróćił. Foto:  Konstantin Hrjehor Před wrotami Ralbičanskich Sokołow bě so njedźelu w hrě přećiwo hosćom z Budyšina stajnje wjele stało. Hosćićeljo mějachu tuž tójšto dźěła, zo bychu wšo rjadowali. To pak so jim tam a sem njeporadźi, štož wjedźeše k třećej poražce za sobu. Přichodny kónc tydźenja Ralbičenjo žanu hru nimaja. Čas móhł tón abo tamny zranjeny Sokoł wužić, zo by so za dwě njedźeli zaso na hrajnišćo wróćił. Foto: Konstantin Hrjehor

Sokoł Ralbicy/Hórki – Póst Budyšin 0:4 (0:1)

Zestawa domjacych: K. Gloxyn – Matka (81. Ričl), Schultz, Wałda (46. Materna), T. Bejma – Rawš, D. Gloxyn, Nuk, Hrjehor, Rachel (40. B. Bejma) – M. Kurjat

Jako njedźelu popołdnju Denny Gloxyn tři mjeńšiny do kónca ze šěsnaće metrow na wrota třěli a hóstny wrotar wulkotnje pjasćowaše, notěrowaše 89 přihladowarjow w Stadionje přećelstwa prěnju prawu šansu domjacych. W tutym wokomiku Budyšenjo w Delanach hižo ze 4:0 nawjedowachu, štož běchu sej zasłužili.

Kaž hižo w minjenymaj hromaj doma přećiwo Biskopicam II (1:2) a w Kulowje (0:3) bě w rjadach Sokoła znowa ofensiwa najsłabši dźěl mustwa. Zranjenaj Dawid Šołta a Pětr Domaška Ralbičanam wokomiknje chětro falujetaj. Tuž přińdźe dwutydźenska přestawka za hosćićelow runje prawje, wšako hłowy wčera po hrě pola wšěch akterow chětro wisachu.

wozjewjene w: Sport
Prošu přizjewće so, chceće-li komentar podać

Serbska debata

nowostki LND