Kontery k.o. woznamjenjeli

wutora, 24. meje 2016
artikl hódnoćić
(0 )

ST Zeleno-běli Bukecy

– SJ Chrósćicy 4:1 (0:0)

Zestawa hosći: Králíček – Dehn, Teichmann, Šafář, Dórnik, Kunze (34. Zahrodnik), Runt, Domaška, Młynk (74. Latkolik), Šmit, Věchet

Z chětro skromnym kadrom podachu so koparjo Chróšćanskeje SJ minjenu sobotu na dypkowu hru do Bukec. Nimo Cyža a Žura pobrachowachu tež hišće Schulze, Bětnar, Šiman a Pöpel. Tak dyrbješe so samo zaso kotrenar SJC Latkolik hrajnu drastu woblec. Njedźiwajcy toho Chróšćenjo partiju wot spočatka postajachu a mějachu Bukečanow kruće w rukach. Stoprocentowsku móžnosć pak přiwšěm wuwostajichu. Po přihrawce Runta móhł Věchet wrota třělić, k zadźiwanju fanow a sobuhrajerjow pak to nječinješe. Hosćo mějachu přez derje wuhrate kombinacije dalše šansy. Falowaceje konsekwency w zakónčenju dla pak so ničo naspomnjenjahódne njesta. Tak dźěše z 0:0 do kabiny.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND