ADAC MX Masters na Kaponicy

wutora, 02. meje 2017
artikl hódnoćić
(0 )
Přihladowarjo dožiwichu w Jaworje minjenej sobotu a njedźelu we wšitkich třoch klasach wubědźowanja ADAC MX Masters rjane  sceny jězdźerjow motocrossa. Přeco zaso pokazachu načolni piloća swojim fanam akrobatiske skoki na wuběrnje prepa rowanej motocrossowej čarje na Kaponicy.  Foto: Jörg Stephan Přihladowarjo dožiwichu w Jaworje minjenej sobotu a njedźelu we wšitkich třoch klasach wubědźowanja ADAC MX Masters rjane sceny jězdźerjow motocrossa. Přeco zaso pokazachu načolni piloća swojim fanam akrobatiske skoki na wuběrnje prepa rowanej motocrossowej čarje na Kaponicy. Foto: Jörg Stephan

Trójny champion Ullrich połnu ličbu dypkow w Jaworje docpěł

Druhe zarjadowanje ADAC MX Masters w Sakskej pola MC Jawory steješe cyle w znamjenju trójneho championa Dennisa Ullricha (23, KTM Sarholz Racing Team). Motocrossowy jězdźer z Kämpfelbacha je njedźelu wobaj běhaj dobył. „Potajnstwo mojeho wuspěcha drje leži w tym, zo hinak trenuju hač moja konkurenca. Njepodawam so stajnje na limit a njedawam telko płuna. Njejsym snano w kwalifikaciskich běhach stajnje najspěšniši, wažne su hódnoćenske běhi“, 23lětny měnješe. Druhi najlěpši bě njedźelu w kralowskej klasy Hunter Lawrence (17, Team Suzuki World MX2) z Awstralskeje, kiž jězdźi hewak wo swětowe mišterstwa. Braniborčan Christian Bro­ckel (33, KTM GST Berlin) bu w cyłkownym hódnoćenju třeći. Lěpši wuslědk by sej lokalny matador Dominique Thury (24, KTM GST Berlin) přał. Saksa z Bad Schlemy bě ze swojej KTM dźewjaty.

wozjewjene w: Sport
Prošu přizjewće so, chceće-li komentar podać

Serbska debata

nowostki LND