Hra do přestawki rozsudźena była

wutora, 17. apryla 2018
artikl hódnoćić
(0 )

ST Lubuš – SJ Njebjelčicy 0:4 (0:4)

Zestawa hosći: Hahn – Kral, Hrjehor, Hoelzel, Paulik, Hanuza, Schulze, Haška, Lejnart (82. Zeller), Korjenk, Fl. Ričel (71. Čornak)

Po derbyjowym dobyću přećiwo susodej z Pančic chcychu Njebjelčenjo tež zwonka połnje dypkować. Ze samsnej zestawu podachu so koparjo na hru do Lubuša a spytachu hižo zahe, nadběhi domjacych mylić a přetorhnyć. To so chowancam trenarja Handrija Krawčika na tutym dnju tež zwjetša poradźi. We 18. min. posłuži młody Leopold Hoelzel z dołhej přihrawku Roberta Lejnarta. Njebjelčanski nadběhowar wuhra hišće škitarja a suny bul k nawjedowanju do dołheho róžka. Přeco zaso atakěrowaštaj Handrij Korjeńk a Florian Ričel wrotarja a poslednjeho muža hosćićela a nuzowaštaj jeju tak k zmylkam w natwarje. Po tym zo bě Korjeńk w 25. min. hišće wulku šansu wuwostajił, zwyši wón w 36. min. z rjanym hłójčkowanjom na 0:2. Nětko běchu serbscy koparjo porjadnje w rytmusu a startowachu jedyn nadběh za druhim. Hišće do połčasa docpě Lejnart najprjedy 0:3 a 0:4.

wozjewjene w: Sport
Prošu přizjewće so, chceće-li komentar podać

Serbska debata

nowostki LND