Sydom hrow bjez wrotow

wutora, 19. junija 2018
artikl hódnoćić
(0 )
Na wobrazu widźimy scenu z hry Zeleno-běłych Hórki přećiwo SJ Chrósćicam, ke kotrejž dóndźe zašły pjatk we wobłuku 22. kopar skeho turněra starych knjezow wo pokal Serbskeho Sokoła w Pančicach-Kukowje. Wo bul wojujetaj Měrćin Špitank (naprawo, Chrósćicy) a Rafael Cyž (nalěwo, Hórki). Cyž chcyše poprawom z Njebjelčanskej SJ nastupić, mustwo pak bě jeno ze šěsć  hrajerjemi přijěło. Tuž wupomha wón Hórčanam a docpě z nimi druhe městno. Na wobrazu widźimy scenu z hry Zeleno-běłych Hórki přećiwo SJ Chrósćicam, ke kotrejž dóndźe zašły pjatk we wobłuku 22. kopar skeho turněra starych knjezow wo pokal Serbskeho Sokoła w Pančicach-Kukowje. Wo bul wojujetaj Měrćin Špitank (naprawo, Chrósćicy) a Rafael Cyž (nalěwo, Hórki). Cyž chcyše poprawom z Njebjelčanskej SJ nastupić, mustwo pak bě jeno ze šěsć hrajerjemi přijěło. Tuž wupomha wón Hórčanam a docpě z nimi druhe městno.

Koparski turněr starych knjezow wo pokal Serbskeho Sokoła přewjedli

Kónčna tabulka

1. Sokoł Ralbicy    2:0 6

2. Zeleno-běli Hórki    2:1 6

3. SJ Chrósćicy    1:0 6

4. ST 1922 Radwor    0:2 3

5. ST Marijina hwězda    1:3 2


Z nazhonjenjow zašłych lět nawoda 22. koparskeho turněra starych knjezow wo pokal Serbskeho Sokoła Jan Hrjehor hižo wědźeše, zo so při hrajnym času 10 mjeńšin tójšto partijow bjez wrotow 0:0 skónči. Tohodla dyrbjachu po partiji jědnat­ki třěleć, zo by městna wuličić trochu jednoriše było. Prěnje pjeć wot dźesać hrow skónčichu so bjez wrotow. Hakle w šestej partiji dnja přewinychu Ze­leno-běli Hórki hosćićela z Pančic-Kukowa z 2:1 a hižo wuwi so prěnje wulke ličenje. Za Hórki, kotrež stejachu w tym času na prěnim městnje, trjechi dwójce Worklečan Konrad Šołta – wón bu po turněrje jako najlěpši třělc wuznamjenjeny –, a za klóšterskich koparjow Róžeńčan Handrij Hejduška. Slědowaštej dalšej partiji bjez wrotow a dobyće 1:0 SJ Chrósćic přećiwo ST Marijinej hwězdźe (wrota za SJC Tomaš Domaška).

wozjewjene w: Sport

Galerija

dalši wobraz (1) Měrko Korjeńk (srjedźa při bulu, Pančicy) startuje tu dalši nadběh na Ralbičanske wrota. Defensiwa Sokoła wokoło Maika Brězana (naprawo, Ralbicy) pak wěsće steje še a wosta přez cyły turněr bjez přećiwniskich wrotow. Foto: Darius Budar
Prošu přizjewće so, chceće-li komentar podać

nawěšk

nowostki LND