Zhromadnje z wuslědkom nula nula do wosmifinala

srjeda, 27. junija 2018
artikl hódnoćić
(0 )
Woblěhowany wot fanow a medijow je něhdyši sławny argentinski kopar Diego Maradona dobyće swojeho mustwa wobkedźbował.  Foto: dpa/Yang Lei Woblěhowany wot fanow a medijow je něhdyši sławny argentinski kopar Diego Maradona dobyće swojeho mustwa wobkedźbował. Foto: dpa/Yang Lei

Z Francoskej a Danskej stej so cyłkaj prěni raz na swětowych koparskich mišterstwach w Ruskej bjez wrotow dźěliłoj. Wobaj pak stejitej we wosmifinalu. Francozojo kopachu z tak mjenowanym B-mustwom, wostachu pak na čole skupiny C. Trenar Didier Deschamps je swoju Équipe Tricolore hnydom na šěsć po­zicijach změnił. Tak steješe na přikład Steve Mandana za Huga Llorisa we wrotach, a w nadběhu hraješe Thomas Lemar za superstara Kyliana Mbappéja.

W dalšej hrě wčerawšeho popołdnja měješe Awstralska z dobyćom hišće móž­nosć, koło najlěpšich šěsnaćoch doc­pěć­. Dźiw pak so njesta. Awstralčenjo podležachu wubrance Peruwa 0:2. Z direktnej třělwu trjechi za nju André Carillo we 18. min., a krótko po połčasu zwyši Paolo Guerrero na 2:0 (50.). Carillowe wrota běchu zdobom prěnje za Peru na swětowych mišterstwach po 36 lětach. Kosta Rika je tuž dotal­ jeničke mustwo na aktualnym turněrje bjez wrotoweho wuspěcha.

wozjewjene w: Sport

Galerija

dalši wobraz (1)
Prošu přizjewće so, chceće-li komentar podać

nawěšk

nowostki LND