Nětko samo Neymarowe wokołowalenje na trawniku „trenuja“

pjatk, 06. julija 2018
artikl hódnoćić
(0 )

Swětowe mišterstwa w kopańcy su mnohim profijam krónowanje karjery. Tež sudnikam je to sobu najwjetši cil, kotryž móžeš docpěć. Runja druhim sudnikam dyrbjachu nětčiše mišterstwa w Ruskej tež němskemu refereejej dr. Felixej Brychej dalši wjeršk karjery być. Kaž pak smy předwčerawšim zhonili, dyrbješe wón hižo prjedy swoje kófry pakować, hač bě sej to myslił. Brych pak ze swojim teamom sam njeje. Swětowy koparski zwjazk FIFA je hižo tójšto dalšich sudnikow domoj pósłała. Wopodstatnjenja k jednotliwcam pak hišće žane dała njeje. „Přeběh tychle mišterstwow mje a mój team wězo wulce přesłapja. Žiwjenje pak dale dźe, a přińdźemy zaso“, měnješe němski koparski sudnik.

wozjewjene w: Sport
Prošu přizjewće so, chceće-li komentar podać

nawěšk

nowostki LND