52. Budyski silwesterski běh

wutora, 08. januara 2019
artikl hódnoćić
(0 )
Na poslednim dnju minjeneho lěta wobdźěli so na běhu w Budyšinje tež tójšto dźěći.  Foto: Carmen Schumann Na poslednim dnju minjeneho lěta wobdźěli so na běhu w Budyšinje tež tójšto dźěći. Foto: Carmen Schumann

Na sobu najstaršim silwesterskim běhu serbscy starterojo přikładnje wojowali

Na mjeztym hižo 52. Budyskim silwesterskim běhu, z kotrymž lubowarjo běhanja w Budyšinje wotpowědne lěto rady w kruhu sportowych přećelow zakónčeja, bě tónraz samo 397 atletow w starobje pjeć do 84 lět. To bě znowa rekordne wobdźělenje. Dotalna najwjetša ličba so wubědźowacych běharjow a běharkow je porno lětu 2016 wo 56 starterow roz­rostła.

Aktiwni wubědźowachu so runje silwester, po wjedrje dosć přijomny to dźeń, po tradiciji na jednej z čarow 2,5 / 5,3 a 10,6 km, kotrež wjedu wot Młynkec łuki do rjaneho Humboldtoweho haja zaso wróćo do stadiona k cilej. Budyske lochkoatletiske zjednoćenstwo Čerwjeno-běli 90, naslědnistwo Motora Budyšin, je hłownje pod režiju swojeho předsydy Christopha Mehnerta a jeho mandźelskeje kaž tež swěrnych pomocnikow tónle kónclětny sportowy po­dawk, kiž njeje ekstremnych wjedrowych kapriolow dla ženje wupadnył, zaso přikładnje organizowało a přewjedło.

wozjewjene w: Sport
Prošu přizjewće so, chceće-li komentar podać

Serbska debata

nowostki LND