Na zahajenju sezony běharjow tež serbscy sportowcy wuspěšni

srjeda, 20. měrca 2019
artikl hódnoćić
(0 )
Wutrajnostny sportowc Jakub Čórlich z Němcow  Foto: Jana Wersch Wutrajnostny sportowc Jakub Čórlich z Němcow Foto: Jana Wersch

Lětuši Mužakowski parkowy běh jubilejny 25. był

Jenož dźeń po 20. crossu w Połčnicy pod jara špatnymi wjedrowymi poměrami wubědźowachu so lubowarjo běhanja spočatk nalětnika tež na 25. jubilejnym wurisanju w hrodowym parku w Mužakowje, a to při wjele přijomnišim wje­drje. Wubědźowanje běše prěnje woblu­bowaneje rjadneje lisćiny Wopačanskeho cupa, kotraž skići za lě­tušu sezonu cyłkownje 14 wurisanjow w Hornjej Łužicy mjez Žitawu a Muža­kowom, Wopakej a Połčnicu.

Lětuši tradicionalny parkowy běh přiwabi 485 sportowcow, mjez kotrymiž běše tež 27 lubowarjow walkinga a dźesatk serbskich atletow. Aktiwni běchu hłownje ze Sakskeje, z Braniborskeje, Berlina a wjacori tež ze susodneje Pólskeje. Woni wubědźowachu so na distancach 0,8 km, 2,5 km, 5,0 a 10,0 km. Běhi hódno­ćachu so za Drježdźansku wobwodnu lisći­nu, Wopačanski cup, Delnjołužiski cup a za Wjercha Pücklerowy pokal.

wozjewjene w: Sport
Prošu přizjewće so, chceće-li komentar podać

Serbska debata

nowostki LND