Dypkaj a kónc w pokalnym kole

wutora, 16. apryla 2019
artikl hódnoćić
(0 )
Byrnjež so koparjo Budissy Budyšin minjenu sobotu prócowali, kaž tule Philipp Dartsch (Budyšin) w dwuboju z Robertom Bergerom (Lipsk), njedocpěštej mu stwje w Lipšćanskim Bruna Plachowym stadionje žane wrota.  Foto: Torsten Zettl Byrnjež so koparjo Budissy Budyšin minjenu sobotu prócowali, kaž tule Philipp Dartsch (Budyšin) w dwuboju z Robertom Bergerom (Lipsk), njedocpěštej mu stwje w Lipšćanskim Bruna Plachowym stadionje žane wrota. Foto: Torsten Zettl

W zašłymaj tydźenjomaj je regionalny koparski ligist Budissa Budyšin trójce hrał, a to dwójce wo dypki w regionalnej lize a jónu w pokalnym kole Sakskeho koparskeho zwjazka.

FSV Budissa Budyšin

– VSG Altglienicke 0:0

Zestawa domjacych: Schulz – Kunze, Patka, Dartsch, Kral, Wockatz (63. Kašiar), Weiß, Ciapa, Treu (75. Krawčik), Bönisch, Merkel

Do partije přećiwo mustwu VSG Altglienicke pokaza statistika, zo bě Budissa dotal wšitke duele přećiwo njemu dobyła. Tři dalše dypki bychu chětro wažne byli. Budyskemu koparskemu towarstwu pak pobra­cho­waše hnydom šěsć hra­jerjow, a Berlinjenjo běchu cyłe 90 mjeńšin lěpši. Prěnju móžnosć w hrě pak mějachu hosćićeljo přez Mateusza Ciapu. Třělwa z kromy šěsnatki dźěše nimo wrotow (8.). Po tym nastachu prěnje składnosće za hosći, a to za Nica Don­nera (20.), Christiana Preissa (22.), Rica Steinhauera (23.) a Christophera Quiringa (23.). Kompli­kowana faza bě přetrata a přestawka hižo bliska, to sadźi Kevin Kahlert po wólnym ko­pje Quiringa bul z hłowu na žerdź (44.).

wozjewjene w: Sport
Prošu přizjewće so, chceće-li komentar podać

Serbska debata

nowostki LND