Znowa sławna Praska Slavia

srjeda, 09. junija 2021
artikl hódnoćić
(0 )
W sezonje 2017/2018 je cyłk Dynamo České Budějovice (naprawo) hišće w druhej lize hrał. Mjeztym kopa mustwo z uniwersitneho a piwoweho města w najwyšej hrajnej klasy susodneho kraja Prima.  Foto: Gloria Žurec W sezonje 2017/2018 je cyłk Dynamo České Budějovice (naprawo) hišće w druhej lize hrał. Mjeztym kopa mustwo z uniwersitneho a piwoweho města w najwyšej hrajnej klasy susodneho kraja Prima. Foto: Gloria Žurec

Nětko su tež w susodnej Čěskej koparske mišterstwa 2020/2021 zakónčene. W najwyšej hrajnej klasy Prima na poslednim dnju hižo k změnam w zaměstnjenju njedóńdźe – přewulke běchu wotstawki na medaljowych městnach kaž tež deleka na „wopuši“.

Slavia Praha je sej kaž hižo­ loni titul zawěsćiła. Ma na kóncu předskok dwa­naće dypkow před měšćanskim riwa­lom a rekordnym mištrom Spartu Prahu. Na třećim městnje skónči najlěpše zastup­nistwo ze sewjerneho dźěla kraja FK Jablonec. Bliski susod Slovan Liberec je na šestej poziciji. Před nim steji Vik­toria Plzeň, kotraž bě w lětach 2011, 2015 a 2016 najlěpša. Zestupić dyrbja kolektiwaj z Morawy FC Brno a SFC Opava kaž tež FK Příbram (město mjez Plzenjom a Prahu). Z 13. městnom spokojom drje budźe Dynamo České Budějovice, kotrež w tabulce před pjeć lětami hišće njewuhladachmy – tam běchu mjena kaž Vysočina Jihlava, Hradec Králové abo Dukla Praha. Mikławš Krawc

A to je kónčna tabulka sezony 2020/2021

1. Slavia Praha   85:20 86

2. Sparta Praha 82:43 74

3. FK Jablonec 59:33 69

4. 1. FC Slovácko 58:33 63

5. Viktoria Plzeň 60:45 58

6. Slovan Liberec 44:32 52

7. FK Pardubice 41:42 52

8. Baník Ostrava 48:38 49

9. Sigma Olomouc 40:46 45

10. Bohemians Praha 40:37 43

11. Mladá Boleslav 49:52 39

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND