Z wulkej stysknosću čakachu wolejbulisća Viktorije Worklecy po dołhej korona-přestawce na spočatk noweje hrajneje doby w sakskej klasy. Tydźenja bě skónčnje tak daloko. Ale kajka to frustracija. Z poprawom wulkeho kadra Worklečanow dyrbješe šěsć hrajerjow zranjenja abo priwatnych přičin dla wotprajić. Tak zwostaštaj runje jedna šestka a libero. Dypkowu partiju cofnyć njebě žana opcija. Bohudźak ma sportowe towarstwo Worklecy sylnu skupinu talentowanych młodostnych. Tak čitachmy na hrajnym protokolu trójce mjeno Bobka (Ławrjenc, Jakub a Beno).
Za Viktoriju Worklecy hrajachu: Jakub Bobka, Ławrjenc Bobka, Marko Brězan, Ludwig Eckert, Maks Jurack, Marcel Rjelka, Józef Šnajder, Daniel Wałda a Šćěpan Wjeńka; poradźowar mustwa Mato Eckert.
SSV Drježdźany II – Viktoria Worklecy 1:3 (23:25, 25:17, 8:25, 26:28)