HZ Łaz/Běły Chołmc – ST 1922 Radwor 0:1 (0:0)
Zestawa Radwor: Ch. Šěrak – Wjeńka, F. Šěrak, Jendrewski, Reinecke, Glücklich, L. Petšak, Schöne (55. Šnajder), Wróbl (91. Paška), Wjacławk, Schulze
Na prěnim hrajnym dnju noweje hrajneje doby stej so po dołhim času zaso raz mustwje z Łaza/Běłeho Chołmca a Radworja na hrajnišću zetkałoj. Stara riwalita přeco hišće eksistuje. Dokelž so sobotu dešćowaše běše wotwidźeć, zo budźe to bojowniska hra. Hosćićel měješe wjace hrajnych podźělow, hra pak wotměwaše so zwjetša w srjedźnym polu. Hosćo dyrbjachu stajnje wot zady won doprědka kombinować, husto pak wužichu dołhi bul, zo bychu nadběhowarjow zasadźili. Šansy pak na woběmaj stronomaj žane nastali njeběchu. Hakle w 40 mjeńšinje běžeše Johannes Wjacławk přez lěwe křidło sam na wrotarja, ale njemóžeše nadběh z wrotami zakónčić.